1 Pedro 4:9 - Manobo Western Bukidnon

⁹ Kinahanglan he utew kew metulanged is ebpepemenahik te menge humehulevungà diyan te valey niw.

1 Pedro 4:9 Кръстосани препратки

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

2 Kurintu 9:7

Kinahanglan he ed-isipen te kada sevaha ke hengkey is egkesuatan din he ibeg̵ey ne iyan ibeg̵ey zin. Kenè ta ibeg̵ey is kenè ta egkesuatan he ibeg̵ey, ne kenè ta zaan ibeg̵ey emun egkeisip ta he integ̵el kenita is kebeg̵aya ta, su emun ebeg̵ey ki, kinahanglan he ebpuun te keputian te atey ta is kebeg̵aya ta zutun ne iyan haazà utew egkesuatan te Megbevayà.

Pilipus 2:14

Is langun he ebpeveelan din keniyu, tumana niw te wazà kebpeneremudtemud wey kebelivad.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

Tito 1:8

Kinahanglan he meelima sikandin te menge meg̵eliyug din ne kinahanglan daan he iyan utew zin egkesuati is kedtevangi zin te menge etew. Metau sikandin he ed-isip te hustu. Metazeng sikandin he etew wey igkesuat te Megbevayà is menge ulaula zin. Metau zaan sikandin he ed-eg̵en te menge suat te lawa zin.

Pilimun 1:14

Iyan, kenè ku pa heini ebeelan te wazè nu pa itug̵ut kediey. Kenà a ebpeg̵es he ikehizu a kenikew. Su iyan meupiya is ebpuun te meliwanag he g̵ehinawa is kedhimuwa nu kayi.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Hibriyuhanen 13:2

Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.