1 Pedro 4:4 - Manobo Western Bukidnon

⁴ Iyan, guntaan, is menge etew he kenà edtuu te Megbevayà, utew zan egkeinuinu su maan is kenè kew en edtampu kandan te ed-ulaula te utew memezaat wey memahawag ne tenged dutun edsumpeliten kew zan.

1 Pedro 4:4 Кръстосани препратки

Mateo 23:25

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Ebpurungan niw ebentayi is menge vetasan niw, iyan, diyà te isip niw wey g̵ehinawa niw ne zuen keheheramham wey kelelalung. Iring kew te vasu wey pinggan he nelumpiyuwan diyà te g̵awas, iyan, meremerik is diyà te seled.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Nengeulaula 13:45

Iyan, hein nengeahà te menge Hudiyu is mezakel he menge etew, nengesina zan engki Pablo ne midsumpalit dan is impenurù ni Pablo ne mibpenulè dan sikandin.

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Ruma 13:13

Ed-ul-ulahan tew is hustu su iyan heini ulaula he zait te menge etew he neteyawan te Megbevayà. Kenè ki en edtampu te ketig̵uman te ebpemelelangut ne kenè ta egkevuten is kenè ta esawa. Kenè ki ebpekid-eg̵et wey kenè ki egkesina.

Ipisu 5:18

Kenè kew mebpelelangut te vinu su ebpekezezaat heini keniyu, kekenà, kinahanglan he egkepurung kew egkeulini te Wag̵as he Mulin-ulin.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 3:16

Mebmetinehuzen kew is edtavak wey menayù is kegkag̵i niw. Kinahanglan he wazà salà he netag̵ù diyà te g̵ehinawa niw te menge sumusundan ni Kristu su emun wazà ulaula niw he mezaat egkeeled is edsudì keniyu tenged te egkeg̵iyen dan.

2 Pedro 2:12

Iyan, heini is menge teruen he menunudlù, kenè dan egkeisip he igkehandek heini su zaan he ulaula zan is kedsudì. Iring sikandan te menge langgam he wazà keeled he iyan intuvad kandan is kedekepa wey kedhimetayi kandan. Edsumpeliten dan is kenè dan egkesavut. Ne iyan egkezungguan dan is kemetayen he wazà pidtemanan.

2 Pedro 2:22

Netuman en pinaag̵i kandan sikan is erubasa he edhenduen te, “Migkaan te asu is in-utè din ne sikan is nezig̵ù he vavuy, midtunè en maan.”

Hudas 1:10

Iyan, haazà is menge etew mulà he ebpenurù te tarù, edsumpeliten dan is kenè dan egkesavut. Iring sikandan te menge leew he langgam he kenà ebpekeisip-isip su is ulaula he egkesuatan te lawa zan, iyan edtumanen dan ne iyan haazà ebpekezezaat kandan.