1 Pedro 4:18 - Manobo Western Bukidnon

¹⁸ Su zuen insurat he Lalag te Megbevayà he edhenduen te, “Emun mereg̵en he edlibriyen te silut is menge metazeng he etew, iyan pe be melibri sikan is menge etew he edsukul te Megbevayà wey memezaat is ulaula!”

1 Pedro 4:18 Кръстосани препратки

Lucas 15:1

Ne zutun he timpu, duen mezakel he menge mekesesalà he etew he menge menunukut te vuhis wey menge mesinupaken te kesug̵uan, ne nemenhendiyè dan te ki Jesus su ebpemineg̵en dan is penurù din.

Lucas 23:31

Su,” ke si Jesus diyà te kandan te, “emun iyan heini ed-ul-ulahan dan kedì te iring te kayu he wazà meg̵angu su wazà mulà kedì he salà, ne edhuna pa kayi is ed-ul-ulahan dan keniyu te iring te kayu he neg̵angu en.”

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 27:24

ne ke sikandin te, ‘He Pablo, kenè ka mahandek. Kinahanglan he ziyè ka mekeetuvang te lavew he hadì diyà te Ruma. Ne is Megbevayà, tenged te g̵ag̵ew zin kenikew, intug̵ut din daan he wazà minsan sevaha kayi te menge zuma niw he egkepatey.’

Nengeulaula 27:31

Iyan, migkag̵i zutun si Pablo ziyà te serhintu wey menge sundaru zin te, “Emun ed-ewaan kew te menge terebahanti kayi, kenè kew en egkelibri.”

Ruma 1:18

Is Megbevayà diyà te langit, impeehè din en he utew zin igkepauk is langun he menge mezaat he ulaula te menge etew wey is kenè dan kedtahud kandin. Su pinaag̵i te kelelalung dan egkesanggen is kebpesevuta te tutuu he tuluuwen.

Ruma 5:6

Isipa nu is gag̵ew kenita te Megbevayà. Su zutun te timpu he intelaan te Megbevayà, hein wazà minsan hengkey he egkeulaula ta he ebpekehimu he melibri ki te silut, mibpehimatey si Kristu he elili kenita te mesinupaken.

Ruma 5:8

Iyan, is Megbevayà mulà, impeehè din is gag̵ew zin kenitew su mibpehimatey si Kristu he elili kenitew zutun te timpu zengan te kemulu kiw pa ed-ulaula te mezaat.

1 Kurintu 10:12

Ne tenged kayi, haazà is etew he egkeisip din he mezesen en is kedtuu zin, ne kinahanglan he purungi zin pa heg̵eta is kedtuu zin su kela ke mekesalà sikandin gihapun.

1 Timoteo 1:9

Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù,

Hibriyuhanen 4:1

Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

Santiago 5:6

Su impesilutan niw wey mibunù niw is menge metazeng he etew, minsan pa te wazè dan medsukul keniyu.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

2 Pedro 3:7

Ne haazà is Lalag te Megbevayà he iyan inlimbag din dengan, pinaag̵i zutun midteg̵enahan din en is langit wey tanà su wey melimas din te hapuy keuzemà dutun te andew te kedsusiya zin wey kedsiluti zin te menge etew he wazè dan kedtahud kandin.

Hudas 1:15

su edsusiyen din is nengeulaula te minsan hentei he etew. Edsilutan din is minsan hentei he lalung he wazè dan kedtahud te Megbevayà tenged te menge kelelalung he mid-ulaula zan wey tenged te kedsumpelita zan te Megbevayà.”