1 Pedro 4:12 - Manobo Western Bukidnon

¹² Minahal ku he menge suled, kenè kew meinuinu tenged te utew merasey he penggezam he egkeantus niw en tenged te kedtuu niw. Su emun tumutuu ki, ebpekeantus ki layun te merasey.

1 Pedro 4:12 Кръстосани препратки

1 Kurintu 10:13

Is minsan hengkey he ibpenuley kenita ni Setanas, ne kenà beg̵u su layun din en ibpenuley te menusiyà is iring dutun. Iyan, egkeserig̵an ta is Megbevayà su kenè din idtug̵ut he ebpenulayan ki te subra te egkeantus ta. Layun din ibeg̵ey kenitew is kelig-en su wey zuen paag̵i te kedlikayi ta he kenè ki mekeulaula te mezaat.

1 Kurintu 3:13

Ne keuzemà dutun te andew te kedsusi te Nengazen te menusiyà, egezaman is baal te kada sevaha he tumutuu su wey metueni ke hustu ve wey ke kenà. Egezaman pinaag̵i te hapuy ne haazà is baal he iring te kayu wey karan wey ventung ne egkeawà. Ne haazà is baal he iring te vulawan, wey selapì, wey menge mahal he vatu, ne kenà mulà egkeawà.

2 Timoteo 3:12

Ne is langun he tumutuu ki Jesu Kristu he egkesuatan dan he pinaag̵i kandin metuman dan is egkesuatan te Megbevayà, edresayen sikandan te menge kuntada te Megbevayà.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

1 Pedro 4:4

Iyan, guntaan, is menge etew he kenà edtuu te Megbevayà, utew zan egkeinuinu su maan is kenè kew en edtampu kandan te ed-ulaula te utew memezaat wey memahawag ne tenged dutun edsumpeliten kew zan.

1 Pedro 5:9

Sukuli niw sikandin, ne hamen kew sarig te Megbevayà su netuenan niw he is menge zuma niw he tumutuu zini te tivuuk he kelibutan, ebpekeantus dan daan te merasey he iring te egkeantus niw.