1 Pedro 4:10 - Manobo Western Bukidnon

¹⁰ Is minsan hengkey he ketau he imbeg̵ey te Megbevayà diyà te kada sevaha keniyu, kinahanglan he g̵emita zin wey metevangi is menge zuma zin he tumutuu su wey hustu is kegemita niw te minsan hengkey he intavang keniyu te Megbevayà.

1 Pedro 4:10 Кръстосани препратки

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Mateo 24:14

Ne idsangyew ziyà te tivuuk he kelibutan heini is Meupiya he Tudtulanen te keag̵i te kedhadì te Megbevayà wey metueni heini te tivuuk he menusiyà. Ne emun egkepasad en haazà ne iyan en ketepusan.

Mateo 24:21

Su utew mepait is kemeresayan dutun he timpu. Wazè pa meulaula is iring kayi puun pa te kedlimbag̵a te kelibutan. Ne emun egkehitavù heini kenè en maan egkehitavù is iring din te minsan keenu.

Mateo 24:45

Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Mateo 25:17

Iring din ded daan sikan is sulug̵uen he mibeg̵ayan te zezuwa he libu he pisus, su netig̵ayun daan te zezuwa pa he libu.

Mateo 25:44

Ne ed-insè dan te, ‘Nengazen, keenu zey sikew maahà he egkevitil, ebpekeinum, wazà egkepemenehikan, wazà ugelingen, nezeruwan, wey ziyà te pirisuan ne wazè dey sikew metevangi?’

Marcos 10:45

Su siak is Kakey te Menusiyà, kenè ku iyan inhendini te kelibutan is wey a metevangi te menusiyà, kekenà, wey a meketavang te menusiyà ne wey a zaan mebpehimatey su wey ku mevelukasi is mezakel he menge etew.”

Lucas 12:42

Ne midtavak is Nengazen te, “Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Lucas 19:13

Ne hein meg̵aan en sikandin edhipanew pehendiyà te sengeg̵inhedian, mid-umew zin is sepulù te menge sulug̵uen din ne kada sevaha zutun, mibeg̵ayan din te selapì. Ne neked-iiring is kezekelà te selapì he imbeg̵ey zin te kada sevaha. Ne migkag̵i sikandin diyà te kandan te, ‘Heini ve is selapì he ibpiyal ku keniyu, ne iyan kew en metau te ked-iseg din kedekelà taman te kenè e pa ebpekeulì dini,’ ke sikandin.

Lucas 8:3

Ne elin daan dutun te menge vahi si Juana he esawa ni Kusa. Si Kusa, ne sinerig̵an ni Hadì Hirudis. Ne zutun daan si Susana wey mezakel pa he menge zuma he vahi he nemenduma su midtevangan dan ensi Jesus pinaag̵i te menge ketig̵eyunan dan.

Ruma 15:25

Ne g̵untaan egenat ad su edhendiyà a zè pa te inged he Hiruselim su zuen idtavang he ibpehated kedì diyà te menge tumutuu te Megbevayà diyà.

Ruma 15:27

Utew meupiya ziyà te g̵ehinawa zan is kebeg̵aya zan kayi te tavang, ne utew hustu zaan heini su zekelà is utang dan diyà te menge tumutuu he Hudiyu ziyà te Hiruselim su pinaag̵i te menge Hudiyu neuwit dini te kandan te kenà menge Hudiyu is Lalag te Megbevayà, ne tenged kayi hustu zaan ke zuen selapì he igketavang dan diyà te menge Hudiyu he egkengeayuayu.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

1 Kurintu 3:10

Ne siak, henduen a te pandey te Megbevayà su imbeg̵ey zin kediey is gehem su wey mehimu he iyan a edsavuk diyan te keniyu te vatu he edtukuzan te valey ne selakew en is ebevaley zuen, he ke và dà egkeg̵iya, selakew en is ebpenurù keniyu g̵untaan. Ne kinahanglan he is kada sevaha he ebevaley ne purungi zin is baal zin.

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

2 Kurintu 9:1

Wazà kinahanglan he idsurat ku keniyu ke hengkey is hustu he ed-ul-ulahan niw te kedtavang te menge tumutuu he egkengeayuayu

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.

2 Timoteo 1:18

Id-ampù ku layun he mehizuwi sikandin te Nengazen keuzemà te andew te kedsusi te Nengazen te langun. Ne netuenan nu en daan he zekelà is kedtevangi zin kedì diyan te Ipisu.

Tito 1:7

Ne g̵eina te insarig kandin te Megbevayà is kedumala te menge tumutuu, kinahanglan he wazà supak din. Kenà sikandin mebmandarmandar zà; kenà sikandin eengeren. Kinahanglan he kenà sikandin lelenguten, kenà sikandin ebpemeg̵espeg̵es ne kenà iyan dekelà diyà te g̵ehinawa zin is selapì.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

1 Pedro 5:12

Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.