1 Pedro 3:8 - Manobo Western Bukidnon

⁸ Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.

1 Pedro 3:8 Кръстосани препратки

Mateo 18:33

Ne maan is wazè nu mehizuwi kes duma nu he sulug̵uen iring te kegkehizuwi ku kenikew?’

Lucas 10:33

Ne wazà utew meug̵et ne nekeuma zutun daan is sevaha he kenà Hudiyu su tigSemarya. Ne hein neehè din haazà is nekehidhizeg̵à he midruug ne utew sikandin nehizu.

Nengeulaula 2:1

Ne hein andew en te pista he egngezanan te Pintikusti nevurun kes langun he menge tumutuu ziyà te sevaha he valey.

Nengeulaula 27:3

Ne hein nepawà, nekezunggù key ziyà te Sidun, ne si Julio, midtulengezan din si Pablo su midtug̵utan din he mekepenumbaley sikandin diyà te menge emig̵u zin dutun wey zan meveg̵ayi te egkinehenglanen din.

Nengeulaula 28:7

Ne uvey zutun is menge tanà ni Publiyu he iyan edlingahaan dan dutun te pulu. Impepemenahik key zin dutun te valey zin ne mid-elimahan key zin. Ne zutun key med-ubpà taman te tetelu he andew.

Nengeulaula 4:32

Mezesen is kebpekid-upakat te menge tumutuu su nesevaha zà is isip dan wey g̵ehinawa zan. Wazà minsan sevaha kandan he mid-isip din is menge azen din he iyan dà sikandin ebpehimulus, kekenà, mid-isip dan he sevaha zan dà te azen.

Ruma 12:10

Sikitew is midsusuled pinaag̵i ki Kristu, ibpeehè tew he mahal zini te g̵ehinawa tew is kada sevaha kenitew, ne ibmeupiya te g̵ehinawa tew is kedtahud tew te menge zuma tew.

Ruma 15:5

Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

1 Kurintu 12:26

Ne ke egkezeruwan is sengeparti te lawa ta ne egkesekitan is tivuuk he lawa ta. Ne iring din ded daan ke ebpurungan is sengeparti ne igkezeyzey te tivuuk he lawa ta.

Ipisu 4:2

Kinahanglan he kenè kew pegalbu, kekenà, peketulanged kew wey mebmeinentusen kew. Ipeehè niw is gag̵ew niw ziyà te kada sevaha keniyu pinaag̵i te kebmepelevayen niw.

Ipisu 4:31

Engkezi niw is kebpekunkuntedehè niw. Kenè kew meepes wey mepauk te zuma niw. Kenè kew pekid-eg̵et; kenè kew ituk; kenè niw itug̵ut he ibmezaat te g̵ehinawa niw is minsan hengkey he ulaula te zuma niw,

Ipisu 4:32

kekenà, mebpepurpurungè kew te kada sevaha keniyu. Mebpehidhizuwè kew, mebpepespeseyluwè kew iring te mibpesaylu kew te Megbevayà tenged te kebpekidsevaha niw ki Kristu.

Pilipus 2:3

Kinahanglan he kenà kew mebpekidlawan ne kenè kew mebpelavew, kekenà, isipa te minsan hentei keniyu he minus is pid-etawan din kenà te zuma zin.

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

Hibriyuhanen 13:1

Kinahanglan he peniguduwi niw is kebmahala niw ziyà te g̵ehinawa niw te menge zuma niw he tumutuu.

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.

Santiago 3:17

Is etew he ziyà ebpuun te Megbevayà is ketau zin, wazà igkesewayi kandin. Melinew is kedepitè din te zuma he etew, ebpurungan din is menge zuma zin; kenà sikandin mevurut, kekenà, mepezumdumahan. Hihizuwen wey metulanged sikandin; wazè din ibpelavi he minsan hentei ne kenà uvag dà is kedtuu zin.

Santiago 5:11

Netuenan ta he utew sikandan deyzey su nekeantus dan te merasey. Netuenan niw en is kebmeinentusen dengan ni Hob wey is kedtuvazi kandin te Megbevayà dutun te nepasad en is penggezam kandin. Hihizuwen wey velig̵eg̵awen is Nengazen.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 2:17

Edtehuzen tew is langun he menge etew; ebmahalen tew is langun he menge suled tew te kedtuu. Igkehandek ta is ked-ulaula te kenà egkesuatan te Megbevayà; edtehuzen ta is keg̵ehem te lavew he hadì.

1 Pedro 5:5

Sikiyu menge menguhed, edhengyuan ku sikiyu he pevayàbayè kew te menge ebmeg̵urangen. Kinahanglan he kenè kew mepelevawen, kekenà, mebpetebtevangè kew su zuen insurat he Lalag te Megbevayà he edhenduen te, “Kuntada te Megbevayà is mepelevawen, iyan, igkehizu zin is kenà ebpelavew.”

2 Pedro 1:7

Ne haazà daan, edheg̵etan ta te kegig̵ineg̵awè tew ne is kegig̵ineg̵awè tew, edheg̵etan ta zaan te kebmahala ta te menge zuma ta.

1 Juan 3:14

Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.