1 Pedro 3:5 - Manobo Western Bukidnon

⁵ Is menge vahi zengan he midsarig te Megbevayà, iyan heini kandan he inmekempet. Mibpesakup sikandan te menge esawa zan

1 Pedro 3:5 Кръстосани препратки

Lucas 2:37

Ne menge keweluwan wey heepat en he tuig is kegkevalu zin. Ne layun sikandin diyà te simbahan su andew wey se mezukilem ne edsimba sikandin te Megbevayà, ne zuen timpu he kenà sikandin egkaan su wey zin utew mepurungi is ked-ampù din diyà te Megbevayà.

Nengeulaula 1:14

Is langun kandan, nesevaha is gehinawa zan te ked-ampù diyà te Megbevayà ne midtampu zaan is menge vahi. Elin dutun si Maria sikan is iney ni Jesus wey is menge hazi ni Jesus.

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Ipisu 5:33

Iyan, kenà duen dà taman su egkehimu zaan he elin egkeg̵iyen din is teleesawa. Kinahanglan he mahala te maama is esawa zin ne kinahanglan daan he tehuza te vahi is kandin he esawa.

1 Timoteo 2:10

kekenà, kinahanglan he iyan idelig̵a kandan is menge meupiya he ulaula. Iyan heini zait he ed-ul-ulahan te vahi he egkag̵i he ed-azap sikandin te Megbevayà.

1 Timoteo 2:15

Ne minsan pa te iyan haazà, egkelibri g̵ihapun is menge vahi te silut pinaag̵i te ked-anak te vatà ke kenè dan edlekaan is kedtuu zan, wey is kebmahala zan te menge zuma zan wey is menge ulaula zan he igkesuat te Megbevayà wey is ked-erengana zan te langun he ed-ul-ulahan dan.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

1 Timoteo 5:5

Ne sikan is balu he vahi he wazè din egkeserig̵an te keuyag̵an din, iyan din dà egkeserig̵an is Megbevayà, ne maandew wey mezukilem ed-ampù wey ebuyù te tavang diyà te Megbevayà.

Hibriyuhanen 11:11

Ne si Sara zaan is esawa ni Abraham, duen kandin he kedtuu su minsan te wazà sikandin mekeanak wey utew en sikandin meg̵urang, mibmeg̵ingey g̵ihapun tenged te kedtuu zin te Megbevayà. Umba mibmeg̵ingey sikandin su midtuuwan din is penaad kandin te Megbevayà he egkeuma is timpu he ed-anak sikandin.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.