1 Pedro 3:20 - Manobo Western Bukidnon

²⁰ Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.

1 Pedro 3:20 Кръстосани препратки

Mateo 7:14

Melig̵et mulà is pultahan wey mereg̵en he ed-ikulen is dalan he ibpehendiyà te untung he wazè din pidtemanan ne mezelag dà is ed-ikul kayi.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Ruma 9:22

Ne iring din ded daan is mid-ulaula te Megbevayà su zutun te ibpelepew zin en is rerangit din wey is mekeg̵eg̵ehem he silut din, mid-isip din he edtigkeren din dè pà is pauk din dutun te menge etew he kinahanglan he edsilutan din.

Ipisu 5:26

ne wey kiw mezawat te Megbevayà. Midhimu zin heini pinaag̵i te kedlumpiyuwi zin kenitew pinaag̵i te kebewtismu wey pinaag̵i te lalag din.

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 1:9

su egkezawat niw en guntaan is kedlibriya keniyu te silut he iyan ebperetengan niw tenged te midtuu kew kandin.

1 Pedro 2:25

Iring kiw zengan te menge ayam he kerehidu he nengetazin, iyan, guntaan impeulì kiw en diyà te Megbevayà he iyan bekidu he metau he ebantey kenitew.

1 Pedro 3:19

ne mibeyaan din minsan is nengepirisu he g̵imukud te nemematey zengan ne midweliyan din sikandan.

1 Pedro 4:19

Ne tenged dutun, menge suled, ke ebpekeantus kew en te merasey su iyan intuvad keniyu te Megbevayà, isarig niw is gehinawa niw ziyà te kandin he iyan metinumanen he nenlimbag wey hemeni niw is memeupiya he ulaula.

2 Pedro 2:5

Wazà daan pesegdana te Megbevayà is tivuuk he menusiyà dengan su impelapey zin is dag̵at ne nengelened is langun he wazè dan kedtahud kandin. Iyan dà midlibri zin si Noe he nekepenurù te metazeng he ulaula wey zuen pa pitu he etew he midlibri zin daan.

2 Pedro 3:15

Kenè niw lipati he iyan ibpelevaya te Megbevayà kenitew su wey melibri ki te silut din. Iyan daan heini impesavut keniyu te emig̵u tew he si Pablo zutun te surat he impeuwit din keniyu. Impinted heini kandin te Megbevayà.