1 Pedro 3:17 - Manobo Western Bukidnon

¹⁷ Deyzey ke ebpekeantus ki te merasey tenged te metazeng is ulaula ta, ke iyan intuvad kenita te Megbevayà, kenà ke ebpekeantus ki te merasey tenged te mezaat is ulaula ta.

1 Pedro 3:17 Кръстосани препратки

Mateo 26:39

Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Mateo 26:42

Ne midlikù si Jesus ne mid-ampù med-uman, ke sikandin te, “Amey ku, emun kenè en egkehimu he id-awà sikan is kedresaya kedì ne iyan egkesunud is kenikew he egkesuatan.”

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 21:14

Ne hein netuenan dey en he kenà egkeeg̵ut si Pablo, mid-engkezan dey te edhangyù ne migkag̵i key te, “Berakat he iyan metuman is egkesuatan te Nengazen.”

1 Pedro 1:6

Ne tenged dutun ebpekelipey kew en minsan pa te egkeseeng kew zè pa g̵untaan tenged te mezakel he menge kemeresayan he egkeantus niw.

1 Pedro 2:15

Umba edhengyuen ku heini su egkesuatan te Megbevayà he is menge mepedeligen he wazà mekesavut te hustu, meehè dan is menge metazeng he ulaula tew. Ne pinaag̵i kayi ebpekeengked dan is edsudì kenitew.

1 Pedro 2:20

Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.

1 Pedro 3:14

Iyan, minsan ke ebpekeantus kew te kebpesipala tenged te metazeng is ed-ul-ulahan niw, medlipey kew. Kenè kew mahandek te etew zà duen ne kenè kew meseeng.

1 Pedro 4:15

Kinahanglan he kenè niw iyan igkerasey is kedsiluti keniyu tenged te kebpemumunù, kebpemenakew, ked-ulaula te minsan hengkey he mezaat, wey te kebpenhilavet dutun te wazè niw ketenged.

1 Pedro 4:19

Ne tenged dutun, menge suled, ke ebpekeantus kew en te merasey su iyan intuvad keniyu te Megbevayà, isarig niw is gehinawa niw ziyà te kandin he iyan metinumanen he nenlimbag wey hemeni niw is memeupiya he ulaula.