1 Pedro 3:13 - Manobo Western Bukidnon

¹³ Wazà edhilavet keniyu ke edhamen kew te ked-ulaula te meupiya.

1 Pedro 3:13 Кръстосани препратки

Ruma 13:3

Su wazà kinahanglan he egkehandek ki te ebpemunuan kenita ke meupiya is menge ulaula ta; wey ki zà egkehandek ke ebaal ki te mezaat. Emun egkesuat kew he kenè kew mahandek te menge ebpemunuan ne ul-ulaha niw is meupiya he ulaula ne edelig̵en kew zan.

Ruma 8:28

Sikitew is langun he mahal is Megbevayà diyà te g̵ehinawa zin, sikitew is midhimu zin he meketuu sumalà is tuyù diyà te isip din, netuenan tew he pinaag̵i te minsan hengkey he egkehitavù kenitew, edtuvazan kiw zin gihapun te meupiya.

1 Kurintu 14:1

Umba, menge suled, kinahanglan he iyan niw ipehuna ziyà te g̵ehinawa niw is kebmahala niw te menge zuma niw. Ne meupiya zaan ke ebuyuen niw is menge ketau he ibeg̵ey te Wag̵as he Mulin-ulin, lavew en is kedseysaya te impesavut te Megbevayà.

Ipisu 5:1

Ne g̵eina te pinelanggè kew he menge anak te Megbevayà, kinahanglan he mekeiring kew kandin.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.