1 Pedro 3:10 - Manobo Western Bukidnon

¹⁰ Duen insurat he Lalag te Megbevayà he edhenduen te, “Sikan is egkesuat he meupiya is ked-ubpè din dini te kelibutan wey layun melipey, kinahanglan he kenà mezaat is kebpemèbè din ne kenà edtarùtarù.

1 Pedro 3:10 Кръстосани препратки

Mateo 19:17

Ne midtavak si Jesus te, “Maan is id-insè nu kedì is meupiya he ed-ul-ulahan he sebsevaha zè man is ed-ulaula te meupiya ne wazè en duma, kekenà, iyan dà is Megbevayà. Ke egkesuat ka he meveg̵ayi ka te untung he wazè din pidtemanan, tumana nu is menge sug̵ù te Megbevayà.”

Marcos 8:35

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he minsan ibpatey zin pa ne edsunud kedì wey edsangyew te Meupiya he Tudtulanen, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Juan 12:25

Is etew he egkenug̵unan din is untung din dini te kelibutan, ebpatey sikandin gihapun, iyan, is etew he tenged kediey kenè din egkenug̵unan is untung din dini te kelibutan, egkekuwa zin is untung he wazà pidtemanan.

Santiago 1:26

Emun iyan isip te etew is hustu is ked-ezapa zin te Megbevayà, iyan, kenè din edtengkaan is kegkag̵ikag̵i zin, wazà pulus te ked-azap din su neterteruan din dà is gehinawa zin.

1 Pedro 2:1

Ne g̵eina te veg̵u ki en he etew, ed-iniyug̵an te en is minsan hengkey he kebpesipala wey is kedtarùtarù. Kinahanglan he kenà tarù is kedsundan ta te Megbevayà; kenè ki egkesina ne kenè ki ebpemenulà.

1 Pedro 2:22

Wazà minsan hengkey he salà he neveelan ni Kristu. Wazà minsan hengkey he tarù he migkag̵i zin.

Impezayag 14:5

Ne wazà minsan keenu sikandan mezineg he edtarùtarù ne wazà neveelan dan he minsan hengkey he mezaat.