1 Pedro 2:7 - Manobo Western Bukidnon

⁷ Ne heini is hadì he iring te vatu, mahal utew sikandin dini te kenita te nekesarig en kandin, iyan, is langun he kenà edtuu, netuman pinaag̵i kandan is insurat he tagnà he edhenduen te, “Sikan is batu he himan te valey, mid-engkezan te menge pandey. Ne heini, nehimu en guntaan he vatu he iyan dà ebpekepurung te valey.”

1 Pedro 2:7 Кръстосани препратки

Mateo 21:42

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Lucas 2:32

Iyan sikandin idtayew te isip te menge etew he kenà menge Hudiyu he wazà mesayud ke hentei ka is tutuu he Megbevayà. Pinaag̵i kandin edelig̵en key is nengepilì nu he etew he menge kevuwazan ni Israyil.” Iyan heini migkag̵i ni Simeon.

Lucas 2:34

Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Lucas 20:17

Iyan, midtengtengan ni Jesus sikandan ne ke sikandin te, “Emun iyan egkeisip niw he kenà heini ed-ul-ulahan te Megbevayà hengkey is kedsevuta niw zuen te insurat dengan he Lalag te Megbevayà he edhenduen te, ‘Sikan is batu he idhiman te valey, mid-engkezan te menge pandey su kunaan dan ke wazè din pulus, iyan, nehimu heini g̵untaan he vatu he iyan dà ebpekepurung te valey.’ ” Ne impelaus ni Jesus is lalag din te,

Juan 4:42

ne migkeg̵iyan dan sikan is bahi te, “Nemeketuu key, kenà tenged dà te migkag̵i nu, kekenà, tenged daan te nezineg dey is menge lalag din, ne netuenan dey en he tutuu iyan he iyan sikandin sikan is Menluluwas te menusiyà.”

Nengeulaula 26:19

Na, Hadì Egripa, midtuman ku is impeehè kedì he ebpuun te langit.

Ruma 10:21

Ne zuen daan egkeg̵iyen te Megbevayà pinaag̵i te menge lalag ni Esaias mehitenged te menge etew he kevuwazan ni Israyil he edhenduen te, “Utew mezesen is gehinawa zan he menge etew wey utew zan mesinupaken su layun ku sikandan edhengyui he medtuu zan kedì, iyan, kenè dan ebpemineg.”

Ruma 15:31

Iampù niw he kenà a mekeizi te menge etew he kenà tumutuu ziyà te inged he Hiruselim. Iampù niw zaan he ikelipey te menge tumutuu ziyà te Hiruselim heini is selapì he idhated ku kandan.

2 Kurintu 2:16

Ne haazà is menge etew he kenà ebpelibri, is ibpesavut dey kandan ne henduen be te utew memahù su nesavut dan he neangken dan en is kemetayen. Ne haazà mulà is menge etew he ebpelibri ki Kristu, is ibpesavut dey kandan, ne henduen be te utew mehemut su nesavut dan he neangken dan en is untung he wazà pidtemanan. Hentei vuwa is dait te kedsengyawa kayi te tudtul?

Kulusas 2:10

Ne sikiyu zaan, pinaag̵i te kebpekidsevaha niw ki Kristu, nekepurung kew en mekeazen te untung he imbeg̵ey keniyu ni Kristu. Ne iyan si Kristu sikan is edhadì te minsan hentei he kedesenan he zuen din keg̵ehem wey kebayàbayà.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

Hibriyuhanen 11:31

Duen dutun te inged he Hiriku bahi he meremerik is ulaula zin he egngezanan ki Rahab. Ne minsan pa zutun, hein nekeuma is ed-eles-eles he menge sug̵ù ni Moises he edsusi te kelig-en dutun te inged, midtuu si Rahab te Megbevayà ne midtevangan din haazà is menge etew. Ne neug̵et pa zutun hein migerà is menge zuma zin he wazà medtuu te Megbevayà, wazà sikandin iragkes tenged te kedtuu zin te Megbevayà.

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

1 Pedro 1:8

Utew mahal sikandin diyan te g̵ehinawa niw minsan wazè niw pa maahà. Ne edsarig kew kandin minsan pa te kenè niw en sikandin egkeahà guntaan. Ne utew man dekelà is kelipey niw he kenà igkeseysey

1 Pedro 2:4

Pevayàbayè kew en te Nengazen tew he si Jesus he iyan ebeg̵ey te untung he wazà pidtemanan. Iring sikandin te vatu he pengawid te valey he kenà edewaten te menge pandey. Wazà sikandin dewata te menge etew, iyan, iyan sikandin mibpilì te Megbevayà su utew sikandin mahal.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.