1 Pedro 2:6 - Manobo Western Bukidnon

⁶ Su zuen insurat he Lalag te Megbevayà he edhenduen te, “Duen mibpilì ku he hadì he iring sikandin te vatu he mahal utew. Idsavuk ku sikandin diyà te inged he Siyun. Iring sikandin te melig-en he vatu he ebpeuntuzan te valey. Is minsan hentei he edsarig kandin, kenè en egkeanggà, su iyan sikandin sikan is tutuu he edserig̵an.” Iyan heini insurat he Lalag te Megbevayà.

1 Pedro 2:6 Кръстосани препратки

Mateo 12:18

“Iyan heini sulug̵uen he pinilì ku. Iyan sikandin utew ku minahal ne utew ku egkesuati is menge vaal zin. Ebpeulinan ku sikandin te Wag̵as he Mulin-ulin, ne is metazeng he kukuman ku, edtudtulen din diyà te tivuuk he menusiyà.

Marcos 12:10

Ne ke si Jesus en maan te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey he vatu, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey.

Lucas 20:17

Iyan, midtengtengan ni Jesus sikandan ne ke sikandin te, “Emun iyan egkeisip niw he kenà heini ed-ul-ulahan te Megbevayà hengkey is kedsevuta niw zuen te insurat dengan he Lalag te Megbevayà he edhenduen te, ‘Sikan is batu he idhiman te valey, mid-engkezan te menge pandey su kunaan dan ke wazè din pulus, iyan, nehimu heini g̵untaan he vatu he iyan dà ebpekepurung te valey.’ ” Ne impelaus ni Jesus is lalag din te,

Lucas 23:35

Ne is menge etew, ne ebpemenhitindeg dan dutun he ebantey; ne is menge punuan te menge Hudiyu, ne ed-undaunda kandin, ke sikandan te, “Wey zè be! Nelibri zin is duma; ne emun tutuu he iyan sikandin sikan is hadì he mibpilì te Megbevayà, ed-ahaan ta ke egkelibri zin is keugelingen din.”

Juan 7:38

Su,” ke si Jesus, “sumalà is insurat he Lalag te Megbevayà, ‘Ke zuen edtuu kediey, ne edtudà puun te g̵ehinawa zin is wahig he ebpekeveg̵ey te untung he wazà pidtemanan.’ ”

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.

Ruma 10:11

Su zuen insurat he Lalag te Megbevayà he edhenduen te, “Is minsan hentei he edsarig kandin, utew meupiya is edungguan din.”

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Ipisu 2:20

Ne sikitew is menge tumutuu, iring kiw te valey he ibpehitindeg te Megbevayà diyà te vatu. Iyan si Kristu kes batu he edtukuzan kayi te valey. Is menge epustul wey ebpemeneuven te Megbevayà, ne iyan menge tukud. Ne iyan kew menge zuma he himan kayi te valey.

2 Timoteo 3:16

Impinted te Megbevayà is kedsurata te langun he insurat he menge lalag din, ne zekelà is tavang kenita kayi te lalag emun ebpenurù ki, emun edawey ki, wey ke edsambag ki te menge tumutuu wey emun ibpenurù ta is metazeng he ulaula.

1 Pedro 2:4

Pevayàbayè kew en te Nengazen tew he si Jesus he iyan ebeg̵ey te untung he wazà pidtemanan. Iring sikandin te vatu he pengawid te valey he kenà edewaten te menge pandey. Wazà sikandin dewata te menge etew, iyan, iyan sikandin mibpilì te Megbevayà su utew sikandin mahal.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.

2 Pedro 1:20

Ne kinahanglan utew he sevuta niw he wazà etew he hustu is kedseysey zin te penurù he insurat te ebpemeneuven dengan te Megbevayà emun wazà ipesavut kandin te Wag̵as he Mulin-ulin.

2 Pedro 3:16

Ibpenurù din layun is andew te kedlimas diyà te langun he menge surat din. Duen daan ibpenurù ni Pablo he mereg̵en he edsevuten ne is menge etew he kenà edsavut te hustu wey wazà meheg̵et is kedtuu zan, edhelinen dan haazà is memereg̵en ne nesayep is kedseysaya zan duen iring te nesayep daan is kedseysaya zan te zuma he insurat he Lalag te Megbevayà. Ne tenged dutun edsilutan sikandan te Megbevayà.