1 Pedro 2:25 - Manobo Western Bukidnon

²⁵ Iring kiw zengan te menge ayam he kerehidu he nengetazin, iyan, guntaan impeulì kiw en diyà te Megbevayà he iyan bekidu he metau he ebantey kenitew.

1 Pedro 2:25 Кръстосани препратки

Mateo 18:12

Ke zuen etew he nenggatus is menge ayam din he kerehidu ne egketazin is sevaha zutun, hengkey is ed-ul-ulahan din? Iyan ed-ul-ulahan din is ed-ewaan din haazà is kesiyawan wey siyew he wazà metazin he ebpemenabtab diyà te kelendig̵an, ne ebpen-ahaan din haazà is sevaha he netazin.

Mateo 9:36

Ne kada zin egkeahà is mezakel he menge etew zutun, egkengehizuwan din sikandan su mezakel is menge seeng dan ne wazà ebpeketavang kandan. Iring sikandan te menge ayam he kerehidu he wazà ed-elima kandan.

Nengeulaula 20:28

Bentayi niw is ulaula niw wey ventayi niw zaan is langun he tumutuu he insarig keniyu te Wag̵as he Mulin-ulin; kinahanglan he iyan kew edlig-en te kedtuu te menge tumutuu te Megbevayà. Nehimu kiw zin he sakup pinaag̵i te kebpehimatey te anak din.

Hibriyuhanen 13:20

Is Megbevayà, mibanhew zin is Nengazen tew he si Jesus. Midtig̵is is lengesa zin he iyan tuus te veg̵u wey wazà pidtemanan he paag̵i te kebpekidsevaha tew te Megbevayà. Ne tenged dutun nehimu si Jesus he mekeg̵eg̵ehem he ed-elima kenitew te menge kerehidu zin.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

Hibriyuhanen 5:2

Ne tenged te etew zà duen sikandin he layun egkesayep, egkehimu he mepelevayen sikandin te menge zuma zin he etew he egkengesayep daan tenged te kenè dan ebpekesavut.

1 Pedro 3:20

Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.

1 Pedro 5:4

Ne emun edlikù si Jesus, sikan is lavew he ed-elima te menge kerehidu te Megbevayà, duen idsuhul zin keniyu he iyan is kebpekeambit niw te utew zin kegkelavew he kenà egkehanew.