1 Pedro 2:19 - Manobo Western Bukidnon

¹⁹ Su edtuvazan ki te Megbevayà emun tenged te kedtumana ta te egkesuatan din, egkeantus ta is kedresaya kenita te egalen ta minsan pa te wazè ki mekesalà.

1 Pedro 2:19 Кръстосани препратки

Lucas 6:32

Kenè nu isipa he edsuhulan ka te Megbevayà emun iyan nu zà igkesuat is menge etew he igkesuat ke zan daan su minsan is menge mesinupaken he etew, ne igkesuat dan daan is menge etew he egkesuat kandan.

Juan 15:21

Iyan, ebpesipelahan kew te menge etew tenged te kedtuu niw kediey su wazè dan mekilala is Amey ku he midsug̵ù kediey.

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Ruma 13:5

Tumana niw is menge sug̵ù te gubirnu, kenà tenged dà te egkehandek kew te silut te Megbevayà, kekenà, tenged te netuenan niw he iyan heini hustu he ed-ul-ulahan.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 8:1

Egkesuatan dey, menge suled, he metueni niw ke hengkey is nehimu tenged te g̵ag̵ew te Megbevayà diyà te menge tumutuu ziyà te Mesidunya.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

Hibriyuhanen 10:2

Su emun pinaag̵i zutun he paag̵i nelumpiyuwan is menge ulaula te menge ed-azap, ne wazè en kinahanglan he ed-uman dan pa ebpemuhat su nengepesaylu en pezem is menge salè dan ne egkesavut dan dutun he kenè en sikandan edsilutan tenged te menge mezaat he ulaula zan.

1 Pedro 2:20

Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.

1 Pedro 4:15

Kinahanglan he kenè niw iyan igkerasey is kedsiluti keniyu tenged te kebpemumunù, kebpemenakew, ked-ulaula te minsan hengkey he mezaat, wey te kebpenhilavet dutun te wazè niw ketenged.