1 Pedro 2:15 - Manobo Western Bukidnon

¹⁵ Umba edhengyuen ku heini su egkesuatan te Megbevayà he is menge mepedeligen he wazà mekesavut te hustu, meehè dan is menge metazeng he ulaula tew. Ne pinaag̵i kayi ebpekeengked dan is edsudì kenitew.

1 Pedro 2:15 Кръстосани препратки

Mateo 25:2

Is lelima kandan, ne tulebung; ne is duma zan he lelima, ne memetau.

Mateo 7:26

Ne is minsan hentei he ebpemineg dà kayi te sambag ku ne kenè din ebpezumdumahan, iring sikandin te etew he tulebung. Heini is tulebung, ne ziyà mebevaley te pantad.

Ruma 1:21

Su minsan te nesavut dan en he zuen Megbevayà, wey netuenan dan he zait sikandin he edtehuzen, wazè dan sikandin tehuza, ne wazè dan peselemati is gag̵ew zin kandan, kekenà, nehimu he wazè en pulus te egketag̵ù diyà te isip dan. Ne tenged kayi, iring te nezukileman is menge isip dan su kenè dan en ebpekesavut te hustu he ibpesavut pezem kandan te Megbevayà.

Gelasya 3:1

Sikiyu is menge tigGelasya, henduen be te kenè kew metau he ed-isip-isip! Utew a egkeinuinu keniyu! Maan is ebpemineg̵en niw is menge etew he ebpetuman keniyu te kesug̵uan he imbilinbilin ni Moises? Utew keladu is kebpenurua ku keniyu te nehimu ni Jesu Kristu kenitew pinaag̵i te kebpatey zin diyà te krus.

1 Tiselunika 4:3

Iyan egkesuatan te Megbevayà is: kinahanglan he zait is menge ulaula niw te etew he g̵aked din. Kinahanglan he kenè niw hileveti is kenè niw esawa.

1 Timoteo 1:13

Dengan, mezaat is menge lalag ku mehitenged kandin; midrasey ku is menge sumusundan din ne midsumpalit ku sikandin. Ne minsan pa zutun, nehizuwan e zin su nehimu ku is menge mezaat he vaal ku tenged te wazè ku pa metueni is tutuu he tuluuwen wey wazè ku pa sikandin tuuwi.

Tito 2:8

Is minsan hengkey he ibpenurù nu, ne kinahanglan he zutun ebpuun te hustu he tuluuwen su wey kenà egkekag̵i he sayep ne zutun wazà igkesudii kenita te menge kuntada ta, kekenà, egkeeled dan.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 3:16

Mebmetinehuzen kew is edtavak wey menayù is kegkag̵i niw. Kinahanglan he wazà salà he netag̵ù diyà te g̵ehinawa niw te menge sumusundan ni Kristu su emun wazà ulaula niw he mezaat egkeeled is edsudì keniyu tenged te egkeg̵iyen dan.

1 Pedro 3:17

Deyzey ke ebpekeantus ki te merasey tenged te metazeng is ulaula ta, ke iyan intuvad kenita te Megbevayà, kenà ke ebpekeantus ki te merasey tenged te mezaat is ulaula ta.

1 Pedro 4:2

Ne tenged kayi, puun dutun taman te kebpatey zin egkehimu he kenè din en human edtumanen is mezaat he kebayà te lawa zin, kekenà, iyan din edtumanen is egkesuatan te Megbevayà.

2 Pedro 2:12

Iyan, heini is menge teruen he menunudlù, kenè dan egkeisip he igkehandek heini su zaan he ulaula zan is kedsudì. Iring sikandan te menge langgam he wazà keeled he iyan intuvad kandan is kedekepa wey kedhimetayi kandan. Edsumpeliten dan is kenè dan egkesavut. Ne iyan egkezungguan dan is kemetayen he wazà pidtemanan.

Hudas 1:10

Iyan, haazà is menge etew mulà he ebpenurù te tarù, edsumpeliten dan is kenè dan egkesavut. Iring sikandan te menge leew he langgam he kenà ebpekeisip-isip su is ulaula he egkesuatan te lawa zan, iyan edtumanen dan ne iyan haazà ebpekezezaat kandan.