1 Pedro 1:22 - Manobo Western Bukidnon

²² Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 1:22 Кръстосани препратки

Juan 15:17

Iyan sug̵ù ku keniyu is: kinahanglan he mahal ziyà te g̵ehinawa te uman sevaha keniyu is minsan hentei keniyu.

Juan 15:3

Nelumpiyuwan kew en pinaag̵i te kedhemeni niw te impenurù ku keniyu.

Juan 17:17

Heini is menge g̵aked ta he etew, pinaag̵i te tutuu he tuluuwen, himuwa nu sikandan he menge sulug̵uen nu. Is lalag nu, iyan tutuu he tuluuwen.

Juan 17:19

Ne tenged kandan ibpeveyveyaan ku kenikew is gehinawa ku su wey zan daan ikepurung ikepeveyveyai kenikew is gehinawa zan.

Nengeulaula 15:9

Wazà daan isipa te Megbevayà he zuen kebpekeviza te kenà menge Hudiyu kenitew su tenged te kedtuu zan mibpesaylu zin sikandan te menge ulaula zan he mezaat iring te kebpesaylu zin dini te kenitew.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Ruma 1:5

Pinaag̵i ki Jesu Kristu midtuvazan a te Megbevayà su midhimu e zin he epustul, he ke và dà egkeg̵iya, sug̵ù, su wey mevantug si Jesus. Umba mid-ulaula zin heini su wey ku mepenurù is menge etew he kenà menge Hudiyu ziyà te minsan hendei he inged wey zan mekepemineg ne wey zan meketuu ki Jesu Kristu.

Ruma 2:8

Iyan, duen daan duma he menge etew he iyan dan ed-isipen is kandan he egkesuatan ne kenè dan edtuuwan is tutuu he tuluuwen, kekenà, iyan dan edtumanen is kenà hustu. Ne kenà deisek dà is pauk te Megbevayà he ibpeehè din kandan, kekenà, utew meveg̵at is idsilut din kandan.

Ruma 8:13

Su emun kenè niw iyan ed-iniyug̵an is menge suat te lawa niw, edsilutan kew te kemetayen he wazè din pidtemanan, iyan, ke pinaag̵i te kedtavang te Wag̵as he Mulin-ulin egkeiniyug̵an niw is menge mezaat he ulaula niw, ebeg̵ayan kew te untung he wazè din pidtemanan.

2 Kurintu 6:6

Ne midlikayan dey is meremerik he ulaula. Hustu is kedsevuta zey te Lalag te Megbevayà; mepeseyluwen key ne metinevangen key te minsan hentei. Ed-ulinan key te Wag̵as he Mulin-ulin; ibpeehè dey is gag̵ew zey ziyà te langun;

Gelasya 3:1

Sikiyu is menge tigGelasya, henduen be te kenè kew metau he ed-isip-isip! Utew a egkeinuinu keniyu! Maan is ebpemineg̵en niw is menge etew he ebpetuman keniyu te kesug̵uan he imbilinbilin ni Moises? Utew keladu is kebpenurua ku keniyu te nehimu ni Jesu Kristu kenitew pinaag̵i te kebpatey zin diyà te krus.

Gelasya 5:5

Iyan, sikami mulà, pinaag̵i te g̵ehem te Wag̵as he Mulin-ulin wey tenged te kedtuu zey kandin, iyan ebpeebuten dey is kedhimuwa kenami he metazeng te Megbevayà.

Gelasya 5:7

Mibpurungan niw zengan te ed-ikul is hustu he ibayà. Maan is idtug̵ut niw he zuen ed-eg̵en keniyu wey niw kenè en metuuwi is tutuu he tuluuwen?

Ipisu 4:3

Purungi niw is menge ulaula niw su wey kenà maawà is kegkeupakat niw he imbeg̵ey keniyu te Wag̵as he Mulin-ulin su pinaag̵i kayi te upakat egkesevaha is gehinawa niw.

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

1 Tiselunika 3:12

Berekati te Nengazen he med-iseg is kebmahala niw ziyà te g̵ehinawa niw te uman sevaha keniyu wey is langun he etew, iring te utew mezesen is kebmahala zey keniyu.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

2 Tiselunika 2:13

Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen.

1 Timoteo 1:3

Ed-umanan ku egkeg̵iya kenikew is sambag ku hein mid-awà a ziyan pehendiyà te Mesidunya. Iyan is: kenè ka med-awà diyan te Ipisu. Iyan idsembag̵i ku kenikew su zuen menge etew ziyan he kinahanglan he zewaya nu. Dewaya nu he med-engked dan te kebpenurù te menge sayep he tuluuwen

1 Timoteo 1:5

Ne kinahanglan he iyan ketezengan ke maan is idsug̵ù nu kandan heini su wey zan mahala is menge zuma zan diyà te g̵ehinawa zan. Ne kenà egkehimu he hustu is kebmahala ta te menge zuma ta emun wazè ki melumpiyuwi te Megbevayà duen te menge salè ta. Kinahanglan he iyan dà ed-ul-ulahan ta is netuenan ta he hustu ne kinahanglan daan he tutuu is kedtuu ta te tutuu he tuluuwen ne zutun human hustu is kebmahala ta te menge zuma ta.

1 Timoteo 4:12

Minsan pa te menguhed ke pa, kinahanglan he mezait ka he edtehuzen te minsan hentei; kinahanglan he iyan ka ed-iringan te menge tumutuu ki Kristu, ne tenged kayi kinahanglan he tegteg̵ami nu is kegkag̵ikag̵i nu, is ulaula nu, is kebmahala nu te langun, is kedsarig nu te Megbevayà, wey is kedlikayi nu te meremerik he ulaula.

1 Timoteo 5:2

Is menge vahi he meg̵urang en, sembag̵i nu zaan he iring te iney nu en wey is menge menguhed he vahi, sembag̵i nu sikandan he iring te menge etevey nu en. Ne kinahanglan he utew hustu is ked-isipa nu kayi ziyà te kandan.

2 Timoteo 1:14

Pinaag̵i te kedtavang te Wag̵as he Mulin-ulin he zini ed-ubpà te kenita, bentayi nu he kenà mahalin haazà is tutuu he tuluuwen he insarig kenikew te Megbevayà.

Hibriyuhanen 11:8

Ne si Abraham daan, duen kandin he kedtuu. Su neketuu sikandin te Lalag te Megbevayà he ewai zin is inged din ne medhendiyà te selakew en he tanà he impenaad te Megbevayà he ibeg̵ey ziyà te kandin wey ziyà te menge kevuwazan din. Ne zutun mid-ewaan din is kandin he inged minsan pa te wazè din hanew zutun te tanà he impenaad kandin.

Hibriyuhanen 13:1

Kinahanglan he peniguduwi niw is kebmahala niw ziyà te g̵ehinawa niw te menge zuma niw he tumutuu.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

Hibriyuhanen 9:14

Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà.

Santiago 1:21

Engkezi niw en is minsan hengkey he meremerik he ulaula wey is kelelalung. Pesakup kew te Megbevayà; hemeni niw is lalag din he impesavut en keniyu su iyan ebpekelibri keniyu te silut.

Santiago 4:8

Aput kew ziyà te Megbevayà ne ed-uvayan kew zin. Sikiyu is mekesesalà, engkezi niw is menge ulaula niw he mezaat. Sikiyu is uvag dà is kedtuu zan, pelumpiyuwi niw te Megbevayà is isip niw wey g̵ehinawa niw.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

1 Pedro 2:17

Edtehuzen tew is langun he menge etew; ebmahalen tew is langun he menge suled tew te kedtuu. Igkehandek ta is ked-ulaula te kenà egkesuatan te Megbevayà; edtehuzen ta is keg̵ehem te lavew he hadì.

1 Pedro 3:1

Sikiyu zaan is menge vahi, kinahanglan he pesakup kew te esawa niw ne zutun minsan ke kenè dan edtuu te Lalag te Megbevayà kela ke ebpeketuu zan ded ke egkeehè dan is menge ulaula niw he memeupiya. Su iyan heini egkehimu he wali niw kandan.

1 Pedro 3:20

Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.

1 Pedro 4:17

Iyan heini, menge suled, timpu he pinaag̵i te merasey he egkeulaula ebpuunan te Megbevayà is kedsusiya zin te menge ulaula te menusiyà. Edhunaan din edsusiya is menge sakup din. Ne emun iyan kiw zin is menge tumutuu edhunaan din, utew pa merasey is egketemanan te menge etew he kenà ebpemineg te Meupiya he Tudtulanen he impesavut kandan te Megbevayà.

1 Pedro 4:8

Kinahanglan he iyan lavew he edhemenan niw is kebmahala niw ziyà te g̵ehinawa niw te minsan hentei he zuma niw he tumutuu su emun ebmahalen ta is menge zuma ta melemu ki zà ebpekepesaylu te menge salè dan kenita.

2 Pedro 1:7

Ne haazà daan, edheg̵etan ta te kegig̵ineg̵awè tew ne is kegig̵ineg̵awè tew, edheg̵etan ta zaan te kebmahala ta te menge zuma ta.

1 Juan 3:11

Kinahanglan he ebmahalen tew te kada sevaha is menge zuma tew. Iyan heini impenurù kenitew hein aney kiw meketuu.

1 Juan 3:23

Ne iyan insug̵ù din kenitew is: kinahanglan he edtuuwan tew is Anak din he si Jesu Kristu wey ebmahalen tew te kada sevaha is menge zuma tew sumalà is insug̵ù daan dengan ni Jesus.

1 Juan 4:12

Wazè pa etew he nekeahà te Megbevayà, iyan, emun egig̵ineg̵awè kiw, ed-ubpà dini te kenitew is Megbevayà, ne egkeheg̵et is kebmahala ta te Megbevayà dini te g̵ehinawa ta.

1 Juan 4:20

Ke zuen minsan hentei he egkag̵i he utew mahal ziyà te g̵ehinawa zin is Megbevayà, iyan, ebpekigkuntada sikandin te zuma zin, teruen sikandin. Su kenà egkehimu he ebmahalen din is Megbevayà he wazè din maahà ke kenè din daan ebmahalen is duma zin he neehè din en mulà.

1 Juan 4:7

Minahal ku he menge suled, kinahanglan he ebpurung kiw egig̵ineg̵awè su ziyà ebpuun te Megbevayà is gag̵ew. Is minsan hentei he zekelà is gag̵ew zin te menge zuma zin, ne iyan nehimu en he anak te Megbevayà wey emig̵u te Megbevayà.

Impezayag 2:4

Iyan, duen netuenan ku he ulaula niw he kenà meupiya su hein aney kew meketuu, dekelà is gehinawa niw kediey, ne g̵untaan malù en edeisek is gehinawa niw kediey.