1 Pedro 1:2 - Manobo Western Bukidnon

² Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

1 Pedro 1:2 Кръстосани препратки

Mateo 24:22

Iyan, midterinan en te Megbevayà is timpu zutun te kemeresayan su emun wazà, egkelimas dutun is tivuuk he menusiyà. Iyan, tenged te egkehizuwan din is menge pinilì din he etew, midterinan din is timpu zutun te kemeresayan.

Mateo 24:24

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

Marcos 13:20

Midterinan en te Nengazen haazà is timpu te kemeresayan su emun wazà, ne egkelimas dutun is tivuuk he menusiyà. Iyan, tenged te hizu zin te menge pinilì din he menge etew, midterinan din haazà is timpu te kemeresayan.

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Marcos 13:27

Ne zutun edsug̵uen ku is menge velinsug̵uen ku pehendiyà te heepat he pesag̵ì kayi te kelibutan. Ne edtig̵umen dan is menge pinilì ku he etew he ebpuun te minsan hendei kayi te lumpad te kelibutan.

Lucas 18:7

Su emun nehimu he midtevangan din haazà is bahi, iyan pe be kenà tevangi te Megbevayà sikiyu is menge nengepilì din he etew he ebpenigudu ed-ampù diyà te kandin te mezukilem wey maandew.

Nengeulaula 15:18

Lalag heini te Nengazen; impesavut din en heini zengan.

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Nengeulaula 20:32

Ne g̵untaan idsarig ku sikiyu ziyà te Megbevayà he iyan ebpeketavang keniyu. Ebpeketavang daan is impenurù ku keniyu he g̵ag̵ew zin kenitew. Is Megbevayà, iyan ebpekeveg̵ey kenitew te kezesen te kedtuu. Diyà te kandin egkekuwa ta zaan is kenita he vahin te menge tuvad he ibeg̵ey zin diyà te langun he menge tumutuu zin.

Ruma 1:5

Pinaag̵i ki Jesu Kristu midtuvazan a te Megbevayà su midhimu e zin he epustul, he ke và dà egkeg̵iya, sug̵ù, su wey mevantug si Jesus. Umba mid-ulaula zin heini su wey ku mepenurù is menge etew he kenà menge Hudiyu ziyà te minsan hendei he inged wey zan mekepemineg ne wey zan meketuu ki Jesu Kristu.

Ruma 1:7

Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 11:2

Is Megbevayà, ne kenà egkehimu he ed-engkezan din is menge etew he nepilì din dengan te wazè pa limbag̵a is minsan hengkey. Egkesavut ta heini ziyà te insurat dengan mehitenged ki Elias su hein mid-ampù sikandin diyà te Megbevayà tenged te menge mezaat he ulaula te menge zuma zin he menge kevuwazan ni Israyil, ke sikandin diyà te Megbevayà te,

Ruma 11:28

Ne is duma he menge Hudiyu, ne nehimu sikandan he menge kuntada te Megbevayà tenged te wazè dan medtuu te Meupiya he Tudtulanen. Ne tenged dutun nehimu he iyan kew is kenà menge Hudiyu, nelibri te silut. Ne minsan pa zutun, kemulu pa mahal ziyà te g̵ehinawa te Megbevayà is menge Hudiyu tenged te pinilì din sikandan wey tenged te menge penaad din dengan diyà te menge kepuun dan.

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

Ruma 16:19

Nevantug en is tudtul te kedtumana niw te menge sug̵ù te Megbevayà, ne utew ku heini igkelipey. Egkesuatan ku he zekelà is ketau niw te ked-ulaula te meupiya ne egkesuatan ku zaan he kenè kew metau te ked-ulaula te mezaat.

Ruma 16:26

Ne haazà is tuluuwen he in-eles dengan, impezayag en te Megbevayà pinaag̵i te menge surat dengan te menge ebpeneuven din. Ne g̵eina te iyan sug̵ù te wazè din kemetayen he Megbevayà, idsangyew en heini is tuluuwen diyà te menge etew ziyà te minsan hendei su wey meketuu is langun ne ebpeketuman te menge sug̵ù din.

Ruma 8:13

Su emun kenè niw iyan ed-iniyug̵an is menge suat te lawa niw, edsilutan kew te kemetayen he wazè din pidtemanan, iyan, ke pinaag̵i te kedtavang te Wag̵as he Mulin-ulin egkeiniyug̵an niw is menge mezaat he ulaula niw, ebeg̵ayan kew te untung he wazè din pidtemanan.

Ruma 8:33

Ne wazà ebpekesumbung kenita te mibpilì te Megbevayà su is Megbevayà, mid-isip ki zin en he metazeng.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 6:11

Iring kayi is ulaula zengan te zuma keniyu, iyan, guntaan, nelumpiyuwan kew en te menge ulaula niw he mezaat ne nehimu kew en he menge g̵aked te Megbevaya. Ne pinaag̵i te g̵ehem te ngazan te Nengazen tew he si Jesu Kristu wey pinaag̵i te ked-ulini keniyu te Wag̵as he Mulin-ulin he ebpuun te Megbevayè tew, mid-isip kew en he metazang te Megbevayà.

2 Kurintu 10:5

Ne iyan heini egemiten dey te kedeeg̵a te menge tarù he ketezengan te menge mepedelig̵en he etew he kenà egkesuat he edtuu te ibpesavut te Megbevayà. Ne minsan is ked-isipa zan te tarù, egkehimu he ed-ilisan dey su wey zan human meisip is tutuu ne pinaag̵i kayi ebpemineg̵en dan is menge sug̵ù ni Kristu.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

2 Tiselunika 2:13

Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

Tito 1:1

Sikew, Tito, ebpesuratan ku sikew. Iring ka te tutuu he anak ku su is kedtuu nu te Nengazen, ne iring daan te kedì he kedtuu kandin. Berakat he ikeg̵ag̵ew ka te Megbevayà wey te Menluluwas tew he si Jesu Kristu wey veg̵ayi ke zan te melinawen he kebpekesavuk. Iyan a si Pablo is sulug̵uen te Megbevayà wey is epustul, he ke và dà egkeg̵iya, sug̵ù ni Jesu Kristu. Iyan insug̵ua zin kedì su wey ku meheg̵et is kedtuu te menge etew he pinilì te Megbevayà, ne wey ku zaan meheg̵et is kedsavut dan te tutuu he tuluuwen he iyan edtuuwan ta. Elin daan insug̵ua zin kedì is wey zan mesavut he ebpekeperateng dan te untung he wazà pidtemanan. Dengan te wazè pa limbag̵a is minsan hengkey, migkag̵i te Megbevayà he ibeg̵ey zin kenitew heini is untung ne netuenan ta he kenà egkehimu he kenè din edtumanen is egkeg̵iyen din. Ne g̵untaan iyan en timpu te kebpetueni zin kayi te untung pinaag̵i te Meupiya he Tudtulanen. Ne heini he tudtulanen, insarig kediey te Megbevayà he menluluwas tew.

Hibriyuhanen 10:22

Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.

Hibriyuhanen 11:28

Ne tenged te kedtuu zin midtuman din is Pista te Kedlevayi ne insug̵ù din he ebpelisan te lengesa te nati he kerehidu is gemawan te menge valey te menge kevuwazan ni Israyil. Umba midhimu zin heini su wey kenà mehimetayi is menge penganey he anak dan te velinsug̵uen te Megbevayà he ibpepenhimatey te langun he menge penganey he anak te menge etew ziyà te Ihiptu.

Hibriyuhanen 12:24

Mid-uvayan tew zaan si Jesus he iyan datù tew he midhimu te veg̵u en he paag̵i te kebpekidsevaha tew te Megbevayà. Pinaag̵i te lengesa zin nengepelisan is menge salè tew. Tuus is lengesa zin te g̵ag̵ew kenitew te Megbevayà he utew haazà meupiya kenà te lengesa ni Abel zengan su is lengesa ni Abel, iyan tuus te silut te Megbevayà.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

1 Pedro 1:14

Geina te menge anak ki te Megbevayà, kinahanglan he edtumanen ta is menge sug̵ù din; kenè ta iyan ebpezumdumahan is mezaat he kebayè ta he edtumanen ta layun dengan hein wazè te pa metueni is tutuu he tuluuwen.

1 Pedro 1:19

Iyan imbelukas din si Kristu he impelengesa he utew mevali. Iring sikandin te nati he kerehidu he wazà igkesawey zuen he impemuhat.

1 Pedro 1:20

Te wazè pa limbag̵a is kelibutan, daan en si Kristu he intezù te Megbevayà wey mehimu he Menluluwas tew. Ne kayi te timpu g̵untaan, impezayag sikandin wey kiw mevelukasi.

1 Pedro 1:22

Ne g̵eina te nemeketuu kew en te tutuu he tuluuwen nengelumpiyuwan kew en te mezaat he ulaula ne kenà tarù is kebmahala niw te menge zuma niw he tumutuu. Minsan pa zutun, heg̵eta niw pa is kebmahala niw ziyan te g̵ehinawa niw te kada sevaha te menge zuma niw.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

2 Pedro 1:2

Berakat he ikeg̵ag̵ew kew utew te Megbevayà wey mebmelinawen is gehinawa niw pinaag̵i te kegkesevuta niw te Megbevayà wey te Nengazen tew he si Jesus.

2 Juan 1:1

Siak is meg̵urang, ebpesuratan ku sikew is bahi he pinilì te Megbevayà wey is menge anak nu. Utew kew mahal zini te g̵ehinawa ku ne kenà dini zà te kedì he g̵ehinawa, kekenà, mahal kew zaan diyà te langun he neketuu te tutuu he tuluuwen.

2 Juan 1:13

Ebpengemusta keniyu is menge anak te suled nu he vahi zini he pinilì daan te Megbevayà.

Hudas 1:2

Berakat he mehizuwi kew, mebmelinawen kew, wey ikeg̵ag̵ew kew te Megbevayà.