1 Kurintu 9:8 - Manobo Western Bukidnon

⁸ Menge ketezengan heini he zini zà ebpuun te menge ulaula tew te menusiyà, iyan, iyan gihapun ibpenurù te kesug̵uan.

1 Kurintu 9:8 Кръстосани препратки

Ruma 3:31

Ibpesavut ku he iyan dà ketezengan ke maan is ed-isipen ki zin he metazeng is kedtuu ta, iyan, kenè niw isipa he tenged kayi wazè en pulus te menge sug̵ù te Megbevayà su tenged te kedtuu ta ki Jesus, hustu en dutun is kegketumana ta te menge sug̵ù din.

Ruma 3:5

Ne zuen menge pilusupu he etew he egkag̵i te, “Emun ed-ulaula ki te mezaat, meupiya zaan haazà su emun egkeisip te menge etew is menge ulaula ta he mezaat, wey is menge ulaula te Megbevayà, siguradu egkesavut dan he utew mulà meupiya is menge ulaula te Megbevayà ne ebpekezalig dan te Megbevayà, ne utew haazà meupiya. Ne emun,” ke sikandan, “nehimu is meupiya tenged te mezaat he mid-ulaula ta, kenà metazeng is kedsiluti kenita te Megbevayà tenged te mid-ulaula ta he mezaat.” Ne pilusupu is menge lalag he iring kayi.

Ruma 6:19

Umba insempitè ku is egkeulaula te uripen su wey melemu niw mesavut is ibpesavut ku. Su zengan iring te mibpeuripen kew te mezaat he kebayà ne ingkesuat niw he ed-ul-ulahan te lawa niw is menge meremerik wey mezaat he ulaula he layun ed-iseg he mezaat. Iyan, guntaan kinahanglan he himuwa niw is lawa niw he metazeng he sulug̵uen te Megbevayà wey niw metuman is egkesuatan din.

1 Kurintu 14:34

Ne zuen pa idtelaan ku keniyu he iyan daan ed-ul-ulahan te menge tumutuu ziyà te minsan hendei he inged. Iyan is: kenè niw itug̵ut he zuen bahi he ebpenurù ke edtig̵um kew te kedsimba. Mebpeninimè dan dà. Su impenurù daan te kesug̵uan te menge Hudiyu he kenà mebayàbayà is menge vahi.

1 Kurintu 7:40

Iyan, meupiya pa is kebpekesavuk dutun te vahi ke kenè en sikandin ebpeesawa. Kediey zà he isip heini, iyan, edtuuwan ku he impinted kediey heini te Wag̵as he Mulin-ulin.

Gelasya 1:11

Egkesuatan ku, menge suled, he mesavut niw he heini is migngezanan he Meupiya he Tudtulanen he impesavut ku keniyu ne kenà ebpuun te etew zà duen

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.