1 Kurintu 9:5 - Manobo Western Bukidnon

⁵ Ne mezaat be zaan ke ed-iringan ku is menge zuma he epustul wey is menge hazi ni Jesus wey si Pedro zaan su pudu zan duen esawa he tumutuu he edumahan dan ke edhipanew zan? Kenà daan mezaat.

1 Kurintu 9:5 Кръстосани препратки

Mateo 13:55

Anak dà sikandin te pandey. Ne si Maria is iney zin; ne menge hazi zin, ensi Santiago, si Jose, si Simon, wey si Hudas.

Mateo 8:14

Ne midhendiyà si Jesus te valey ni Pedro ne zutun neehè din is enug̵ang he vahi ni Pedro he edetengen ne kenè en ebpekeenew.

Marcos 1:30

Ne egkezeruwan dutun is enug̵ang he vahi ni Simon ne edhidhizeg̵à su edetengen. Ne te kebpekeuma ni Jesus dutun te valey, migkeg̵iyan dan si Jesus he egkezeruwan is enug̵ang ni Simon.

Lucas 6:15

si Mateo wey si Tomas, si Santiago he anak ni Alpiyu wey sevaha he etew he egngezanan ded daan ki Simon he nevantug tenged te utew mezesen sikandin he edtuman te imbilinbilin he kesug̵uan,

Lucas 8:20

Ne zuen etew zutun he midtazem ki Jesus, ke sikandin te, “Keniyà te g̵awas is iney nu wey is menge hazi nu ne ebpengahaan ke zan.”

Juan 1:42

Ne miduma zin si Simon ne midhendiyè dan te ki Jesus. Ne si Jesus, midtengtengan din si Simon. “Iyan ka si Simon he anak ni Juan. Egeraran ku sikew ki Sipas,” ke si Jesus. (Is gerar he Sipas ne iyan ded sikan is ngazan he Pedro. Ne is kehulug̵an kayi, ne vatu.)

Juan 2:12

Neiwas haazà, si Jesus wey is iney zin wey menge suled din wey is menge sumusundan din, midhendiyè dan te inged he Kepirnaum ne wazè dan med-awà dutun seled te nepipira he andew.

Nengeulaula 1:14

Is langun kandan, nesevaha is gehinawa zan te ked-ampù diyà te Megbevayà ne midtampu zaan is menge vahi. Elin dutun si Maria sikan is iney ni Jesus wey is menge hazi ni Jesus.

Ruma 16:1

Pinaag̵i kayi te surat ibpekilala ku keniyu si Febe is suled tew he vahi tenged kayi te kedtuu tew, ne edtavang sikandin te menge tumutuu ziyà te inged he Singkriya.

1 Kurintu 1:12

Iyan ibpesavut ku is: selakew kun is edtindeg̵an te uman sevaha te sikiyu su egkag̵i kun is sevaha he iyan a si Pablo is edsundanan din. Ne egkag̵i is sevaha he si Epulus mulà is edsundanan din. Ne egkag̵i is sevaha he iyan kandin he edsundanan si Pedro. Ne egkag̵i is sevaha he si Kristu mulà is kandin.

1 Kurintu 7:15

Ne ke zuen sevaha keniyu he zuen esawa zin he kenà tumutuu ne egkesuat he ebpekidsuwey haazà is kenà tumutuu ne tug̵uti niw. Su idtug̵ut te Megbevayà he suwayi is tumutuu zuen te esawa zin he kenà tumutuu su umba impetuu kiw te Megbevayà su egkesuatan din he melinawen is kedepitè tew.

1 Kurintu 7:39

Ne ke zuen bahi he zuen esawa zin, kenà egkehimu he edsuwayan din haazà is esawa zin. Iyan, emun ebpatey is esawa zin, ne egkehimu ke ebpeesawa sikandin ebpeuman te egkesuatan din he maama, iyan, kinahanglan he iyan ebpekeesawa kandin is tumutuu te Nengazen tew.

1 Kurintu 7:7

Su egkesuatan ku pezem he ed-iringan a keniyu is wazè din esawa, iyan, netuenan ku he wazà himuwa te Megbevayà he meked-iiring kiw su imbeg̵ey zin diyà te sevaha is kebpekeantus te kenà kebpengesawa, ne selakew is imbeg̵ey zin diyà te sevaha.

1 Kurintu 7:8

Ne sikiyu is menge rag̵a, menge kenakan, wey menge valu, iyan sambag ku keniyu is deyzey ke ed-iringan a keniyu is wazè din esawa,

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 4:3

Ibpenurù dan he indawey te Megbevayà is kebpengesawa ne egkeg̵iyen dan he zuen menge egkeenen he indawey zaan. Iyan, heini is menge egkeenen, midlimbag te Megbevayà he egkeenen tew te menge tumutuu he nekesavut te tutuu he tuluuwen. Ne kinahanglan he ebpeselematan tew te Megbevayà emun egkeenen tew.

1 Timoteo 5:2

Is menge vahi he meg̵urang en, sembag̵i nu zaan he iring te iney nu en wey is menge menguhed he vahi, sembag̵i nu sikandan he iring te menge etevey nu en. Ne kinahanglan he utew hustu is ked-isipa nu kayi ziyà te kandan.

Tito 1:6

Is ebmeg̵urangen, kinahanglan he wazà supak din, sevaha zà is esawa zin, ne kenè din selselai. Kinahanglan he menge tumutuu is menge anak din, ne kenà sikandan ed-isipen te menge etew he iyan dan dà ebpen-ahaan is kelibutanen he kelipey. Kinahanglan he metinumanen sikandan te menge idsug̵ù kandan.

Hibriyuhanen 13:4

Kinahanglan he tehuza niw te langun is ked-es-esawa niw. Kinahanglan he wazà minsan hentei he edselselaan din is esawa zin. Edsilutan te Megbevayà is etew he meremerik is ulaula zin wey is etew he edselselaan din is esawa zin.