1 Kurintu 9:26 - Manobo Western Bukidnon

²⁶ Umba ed-iringan ku is idlumbà he edlelagdeng diyà te edungguan su kenà a ed-awà kayi te hustu he ibayà. Ne kayi te kebpenurua ku te menge etew, ed-iringan ku zaan is beksidur he pirmi ebpekesug̵at is sumbag din su wey layun mekesug̵at is menge lalag ku.

1 Kurintu 9:26 Кръстосани препратки

Mateo 11:12

Puun pa zutun te kebpesavut ni Juan taman en guntaan, is Megbevayà he ziyà te langit, edteg̵el he mekehadì, ne edteg̵el zaan is menge etew wey zan mekepehadì kandin.

Lucas 13:24

“Himuwa niw is taman te egkehimu niw wey kew mekeseled te melig̵et he g̵emawan he idselang dutun te valey he iyan is untung he wazà pidtemanan su egkeg̵iyen ku keniyu he mezakel is egkesuat pezem he edseled dutun, iyan, kenè dan ebpekeseled.

1 Kurintu 14:9

Ne sikiyu zaan, menge suled, iring kew kayi te ebpengutiyapì wey edhiyup te vudyung su emun egkag̵i kew te kineg̵iyan he wazà duen ebpekesavut, ne wazà pulus te egkeg̵iyen niw.

2 Kurintu 5:1

Is lawa ta, ne iring te valey he egkeubpaan ta. Ne netuenan ta he ke egkerundus heini is baley, duen baley he egkeubpaan ta ziyà te langit he iyan is beg̵u he lawa he ibeg̵ey te Megbevayà. Kandin he vaal heini ne wazè din pidtemanan.

2 Kurintu 5:8

Layun mezesen is kedsarig ta te Nengazen ne egkesuatan ta pezem he meewai ta heini is kelibutanen he lawa su wey ki mekeulì diyà te Nengazen.

Gelasya 2:2

Umba midhendiyà a su impinted kedì te Megbevayà haazà is kedhendiyè ku. Ne kebpekeuma zey zutun ne midtig̵um is menge egalen te menge tumutuu he iyan dan dà ne impesavut ku kandan ke hengkey is Meupiya he Tudtulanen he ibpenurù ku ziyà te menge etew he kenà menge Hudiyu. Egkesuatan ku zutun he kenà maawà is pulus te nengeveelan ku en wey is kemulu ku pa ebeeli.

Ipisu 6:12

Su kenà iyan edtebeken tew is menge etew zà duen, kekenà, iyan edtebeken tew is menge mezaat he kedesenan he ziyà ed-ubpà te langit wey is menge kenà egkeahà he hadì, wey menge egalen, wey menge ebayàbayà te langun he menge mezaat he etew he nesakup te kerusireman guntaan dini te kelibutan.

Pilipus 1:21

Ne tenged te egkesuatan ku he mezalig si Kristu, egkesuatan ku he mebmelug̵ayad pa is ked-ubpaubpè ku zini te kelibutan su wey mevantug ku pa si Kristu, iyan, ke ebpatey a ne lavew pa he ibmeupiya ku.

Kulusas 1:29

Siak, ebpenigudu a ebaal he edlig-enan te zekelà he zesen ni Kristu su wey metuman heini.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

2 Timoteo 2:5

Is sulug̵uen te Megbevayà, ne iring te ibanggà. Ne is ibanggà, kenà ebpekezaag ne kenà ebeg̵ayan te suhul emun kenè din edsunuzen is belaud te kebpekibanggà.

2 Timoteo 4:7

Nepasad ku en is kebenggaa kedì te Megbevayà; nekeuma ad te edungguan te edlumbà. Hustu is ked-ikula ku te tutuu he tuluuwen.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

Hibriyuhanen 4:1

Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

2 Pedro 1:10

Menge suled, geina te mibpilì kiw ne midhimu kiw te Megbevayà he menge tumutuu kandin, edhimuwen tew is taman te egkehimu tew wey maahà he tutuu iyan is kebpilia zin kenitew wey is kedhimuwa zin kenitew he menge tumutuu zin. Su emun iyan heini ed-ul-ulahan tew kenè kiw ebpekesuwey te hustu he ibayà,