1 Kurintu 9:23 - Manobo Western Bukidnon

²³ Umba ebeelan ku heini su wey mesangyew is Meupiya he Tudtulanen ne wey a zaan mekeambit te menge tuvad he impenaad kenitew pinaag̵i te Meupiya he Tudtulanen.

1 Kurintu 9:23 Кръстосани препратки

Marcos 8:35

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he minsan ibpatey zin pa ne edsunud kedì wey edsangyew te Meupiya he Tudtulanen, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Ruma 11:17

Is menge kevuwazan ni Israyil, ne iring sikandan te kayu he ulivu he ed-elimahan te Megbevayà. Ne zuen menge subpang dutun te kayu he midtamped te Megbevayà. Ne sikiyu is kenà menge Hudiyu, ne iring kew te menge subpang te wazà ipemula he ulivu he in-ilis te Megbevayà he impetuvù din dutun te midtempezan din te subpang. Ne iring ded daan guntaan utew meupiya is kedtuvazi keniyu te Megbevayà, iring te meupiya zaan is kedtuvazi zin dengan te menge Hudiyu.

1 Kurintu 9:12

Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

1 Kurintu 9:22

Ne haazà is menge tumutuu he wazà sikandan mekesavut te hustu, egkehimu a he iring kandan ne kenè ku idteg̵el is kediey he egkesuatan su wey pinaag̵i kedì meheg̵et is kedtuu zan. Ne zuen te kada sevaha he ebpenudtulan ku te Lalag te Megbevayà, ebpen-ahaan ku is paag̵i he engayan kandin su wey ku maag̵ak sikandin ne ebpeketuu sikandin ki Jesus.

1 Kurintu 9:24

Netuenan niw he ke zuen lumbaan ne mezakel is ebpekibanggà, iyan, sevaha zà is ebpekezaag ne iyan edsuhulan. Ne sikiyu is tumutuu ki Jesus, iringi niw is edlumbà su wey kew mesuhuli keuzemà te Megbevayà.

2 Kurintu 2:4

Dutun te kebpeuwiti ku keniyu te surat, utew ad neseeng. Mibmesakit is gehinawa ku ne mibpenig̵is is luhè ku. Iyan, kenè ku pezem dutun tuyù is wey kew meseeng, kekenà, egkesuatan ku he metueni niw he utew kew mahal zini te g̵ehinawa ku.

Gelasya 2:5

Ne wazè dey itug̵ut he meveyveyai key zan te minsan hengkey he paag̵i su wey kenà meumani te tarù is tutuu he Meupiya he Tudtulanen, ne kenà egkezeetan is kedtuu niw.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

2 Timoteo 2:6

Ne iring daan is sulug̵uen te Megbevayà te ebasuk. Is etew he midhag̵ù mebasuk, ne iyan sikandin egkehuna he ebpekezawat te vahin te sebpet din.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

1 Juan 1:3

Edtudtulen ku en keniyu haazà is neehè dey wey nezineg dey ziyà te kandin su wey kew mebpekid-upakat kenami su nekid-upakat key zaan te Amey tew he Megbevayà wey te Anak din he si Jesu Kristu.