1 Kurintu 9:14 - Manobo Western Bukidnon

¹⁴ Ne iring din ded daan is intelaan dengan te Nengazen tew su migkag̵i zin he kinahanglan he edsuhulan is ebpenurù te Meupiya he Tudtulanen te menge ebpepenurù kandin.

1 Kurintu 9:14 Кръстосани препратки

Mateo 10:10

Kenè kew zaan med-uwit te sundang. Is ed-ilisan he sepatus wey kumbalà wey minsan tuked, ne kenè kew med-uwit. Su is sulug̵uen, ibeg̵ey ziyà te kandin is kinahanglan din.

Lucas 10:7

Ne haazà is baley he zuen etew he egalewg̵alew keniyu, ne zutun kew pundu taman te kegenat niw. Ne zewata niw is minsan hengkey he ibpekaan dan wey ibpeinum dan keniyu su iring te suhul zan keniyu. Dait is edterebahu he edsuhulan. Kenè kew en penhalinhalin pa maan diyà te zuma pa he menge valey.

Lucas 10:8

Ne emun ebpekeuma kew ziyà te inged ne zuen egalewg̵alew keniyu, minsan hengkey is keenen dan he ibpekaan dan keniyu, ne keena niw.

Nengeulaula 18:3

ne mid-amur sikandin kandan su neked-iring is terebahu zan he iyan is kebpemaal te idlelawig he terapal.

1 Kurintu 4:15

Su minsan pa te utew mezakel is menge etew he ed-ag̵ak keniyu te menge tumutuu ki Kristu, sebsevaha ku zà is iring te amey niw tenged te kedtuu niw. Su hein impesavut ku keniyu is Meupiya he Tudtulanen, nehimu a he amey niw zutun te kedtuu niw ki Jesu Kristu.

1 Kurintu 9:11

Ne iring din daan, is impemula zey ziyan te keniyu, ne zuen pulus din te wazà pidtemanan. Ne kenè be egkehimu he zuen ebpeebuten dey ziyan te keniyu he igkeuyag dey he kayi zà te kelibutan is pulus din?

1 Kurintu 9:12

Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

1 Kurintu 9:16

Ne kenà egkehimu he idantal ku is kedsengyawa ku te Meupiya he Tudtulanen su intelaan kedì te Nengazen heini, ne kenà egkehimu he kenè ku edtumanen. Meveg̵at is silut din kedì ke kenè ku idsangyew is Meupiya he Tudtulanen.

1 Kurintu 9:4

mezaat be ke ebuyuen ku is egkeenen ku wey ed-inumen ku ziyà te menge tumutuu he ebpekezawat te ibpenurù ku? Kenà mezaat.

2 Kurintu 2:12

Menge suled, hein midhendiyà a te inged he Truwas te kedsangyew te Meupiya he Tudtulanen, neehè ku he midhimu en te Nengazen is paag̵i wey ku ikepelaus is ebpeveelan din kedì.

Gelasya 6:6

Ne sikan is etew he ebpepenurù te Lalag te Megbevayà, kinahanglan he veg̵ayi zin is ebpenurù kandin te menge meupiya he nezawat din.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.