1 Kurintu 9:12 - Manobo Western Bukidnon

¹² Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

1 Kurintu 9:12 Кръстосани препратки

Lucas 11:52

Mekehizuhizu kew keuzemà sikiyu is menge menunudlù te kesug̵uan su ed-elangan niw is menge etew wey zan kenà metueni is hustu he ibpevayà pehendiyà te Megbevayà. Kenè kew egkesuat he ed-ikul te hustu he ibayà, iyan, ed-eg̵enen niw is etew he egkesuat he ed-ikul zutun!”

Nengeulaula 18:3

ne mid-amur sikandin kandan su neked-iring is terebahu zan he iyan is kebpemaal te idlelawig he terapal.

Ruma 15:22

Ne tenged kayi te langun he menge vaal ku te ebpenudtul zutun te menge inged, nesanggen a is edhendiyan te keniyu.

1 Kurintu 13:7

Ebpekeantus ki te minsan hengkey he mereg̵en, ne kenè ta ed-isipen he mezaat is ulaula te zuma ta, kekenà, layun ki edsarig te keupiya te ulaula te zuma ta. Ne kenè ta ebelesan is ebpesipala kenita, kekenà, ebpesegdanan ta.

1 Kurintu 6:7

Ne heini is kebpesumsumbungè niw, wazè niw ve metueni he tuus heini he utew zekelà is kurang te kedsunud niw te Nengazen? Deyzey ke kenè kew medsukul ke zuen ebpesipala keniyu. Deyzey ke ed-eg̵awan kew te menge azen niw, kenà te idsumbung niw is duma niw he tumutuu.

1 Kurintu 9:14

Ne iring din ded daan is intelaan dengan te Nengazen tew su migkag̵i zin he kinahanglan he edsuhulan is ebpenurù te Meupiya he Tudtulanen te menge ebpepenurù kandin.

1 Kurintu 9:15

Ne minsan pa te egkehimu he egkekuwa ku is igkeuyag ku zutun te ebpepenurù kedì, wazà a mebuyù diyà te minsan hentei. Ne kenà a zaan ebuyù guntaan diyan te keniyu. Deyzey pa ke egkeumes a te vitil kenà te mekevuyù a su utew ku egkesuati he kenà maawà is igkezantal ku he iyan is: wazè ku mesanggen is kedsengyawa te Meupiya he Tudtulanen.

1 Kurintu 9:16

Ne kenà egkehimu he idantal ku is kedsengyawa ku te Meupiya he Tudtulanen su intelaan kedì te Nengazen heini, ne kenà egkehimu he kenè ku edtumanen. Meveg̵at is silut din kedì ke kenè ku idsangyew is Meupiya he Tudtulanen.

1 Kurintu 9:18

Ne hengkey ve is suhul ku kayi? Iyan suhul ku kayi is: egkehimu he ibpesavut ku is Meupiya he Tudtulanen te wazà bayad diyà te menge etew minsan pa te zuen ku ketenged te kebuyù te igkeuyag ku.

1 Kurintu 9:2

Ne minsan ke kenà ebpeketuu is duma he epustul a, sikiyu is diyan te Kurintu, netuenan niw en he epustul a su kenà egketarù he pinaag̵i kedì mibeg̵ayan kew en te veg̵u en he untung.

2 Kurintu 11:12

Kenè ku edlekaan heini is lalag ku he kenè ku kebuyù diyan su wey haazà is menge uvag kun lavew he epustul ni Kristu, kenè dan mekekag̵i he iring te kenami is menge paag̵i zan te kebaal.

2 Kurintu 11:20

Su ke zuen minsan hentei he ebmandarmandar keniyu wey ke zuen ed-ag̵ew te menge azen niw wey ke zuen edlimbung keniyu wey ke edlupig̵en kew zan wey ke ebug̵elen kew zan ne ed-entusen niw.

2 Kurintu 2:12

Menge suled, hein midhendiyà a te inged he Truwas te kedsangyew te Meupiya he Tudtulanen, neehè ku he midhimu en te Nengazen is paag̵i wey ku ikepelaus is ebpeveelan din kedì.

2 Kurintu 6:3

Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.