1 Kurintu 8:9 - Manobo Western Bukidnon

⁹ Ne minsan pa zutun kinahanglan he purungi niw isipa heini is intug̵ut en keniyu su kela ke tenged keniyu egkesanggen is kedtuu te sevaha he wazè pa sikandin mekesavut te hustu.

1 Kurintu 8:9 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Ruma 15:1

Ne sikitew is meheg̵et is kedtuu te Megbevayà, kinahanglan he ed-entusen ta is kenè ta ked-ul-ulaha te ulaula he ibpekesalà te menge zuma ta he kenè pa meheg̵et is kedtuu zan. Ne kenè ta iyan idteg̵el is kenita he egkesuatan,

1 Kurintu 10:24

Ne kinahanglan he kenè tew iyan dà ed-isipen ke hengkey is igkezeyzey te kenitew zà he keugelingen he kebpekesavuk, kekenà, kinahanglan he ed-isipen tew zaan ke hengkey is kegkepurungi tew te menge zuma tew.

1 Kurintu 10:28

Iyan, ke zuen tumutuu he egkag̵i te, “Impemuhat heini is idsezè ta te ledawan,” ne kenè ka zutun kaan te idsezà su kela ke egkelenew sikandin he egkaan duen, ne ibmesakit te g̵ehinawa kayi te zuma nu he tumutuu ke egkeenen nu haazà. Ne siguradu zuen ebpekeinsà te, “Emun egkehimu he ed-ul-ulahan ku is minsan hengkey, maan is edlikayan ku is ulaula he kunaan ke mezaat te menge etew he wazà mekesavut te hustu?

1 Kurintu 10:32

Tenged kayi, kinahanglan he wazà minsan hengkey he ulaula niw he ibmesakit te g̵ehinawa te minsan hentei he etew, Hudiyu se kenà Hudiyu wey menge zuma niw he tumutuu te Megbevayà.

1 Kurintu 8:10

Su penenglitan, ke zuen duma ta he wazà sikandin mekesavut te hustu, ne sikita is nekesavut mulà, neehè ki zin is egkaan dutun te valey he zutun ed-ezapen is tarù he megbevayà, ne egkeuwit sikandin ne edtampu zaan sikandin he egkaan, iyan, egkepenulayan is isip din su kunaan din ke tutuu he ed-ezapen haazà is ed-ezapen dan dutun.

1 Kurintu 8:12

Ne emun pinaag̵i kayi te ulaula ta ebmesakit is gehinawa te menge zuma ta he tumutuu, nekesalè ki ziyà te kandan ne nekesalè ki zaan diyà te ki Kristu.

1 Kurintu 9:22

Ne haazà is menge tumutuu he wazà sikandan mekesavut te hustu, egkehimu a he iring kandan ne kenè ku idteg̵el is kediey he egkesuatan su wey pinaag̵i kedì meheg̵et is kedtuu zan. Ne zuen te kada sevaha he ebpenudtulan ku te Lalag te Megbevayà, ebpen-ahaan ku is paag̵i he engayan kandin su wey ku maag̵ak sikandin ne ebpeketuu sikandin ki Jesus.

2 Kurintu 11:21

Utew zan mevurut, iyan, sikami, telawen key ne egkeeled a su haazà is menge ulaula zan keniyu he kunaan niw ke utew meupiya, wazè dey meulaula ziyan te keniyu. Ne g̵eina te wazè dan en kegkehandek te edantal ne kenà a zaan egkehandek he edantal minsan ke ebpekeiring a te tulebung.

2 Kurintu 11:29

Su ke zuen tumutuu he edlised su ebmeg̵uyà is kedtuu zin, ne edlised a zaan su egkeipeng a kandin. Ke zuen nepenulayan ne nekesalà, ne haazà is etew he nekepenuley kandin, utew ku igkeepes.

2 Kurintu 6:3

Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.

Gelasya 5:13

Na, menge suled, tutuu iyan he impetuu ki te Megbevayà wey ki zin melibri ne wazè en kinahanglan he ebpeuripen ki te kesug̵uan. Ne minsan pa zutun wazè ki melibri su wey iyan mebayàbayà kenita is mezaat he kebayà te lawa ta. Kinahanglan he tenged te zekelà is gag̵ew tew te menge zuma tew ne medtitinevangà is kada sevaha kenitew te menge tumutuu.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

1 Pedro 2:16

Ne g̵eina te nelibri kiw en te Megbevayà, egkehimu he iyan kiw en ebayàbayà te ed-ul-ulahan tew, iyan, kinahanglan he kenè tew edhimuwen is kelibriyanan tew he pesangil wey kiw mekeulaula te mezaat. Su minsan pa te nelibri kiw en, kinahanglan he menge sulug̵uen kiw g̵ihapun te Megbevayà.

2 Pedro 2:19

Egkeg̵iyen dutun te menge menunudlù he egkelibri ki pinaag̵i te kedsunuza kandan su idtug̵ut kun kenita is minsan hengkey he ulaula, iyan, nasì nengeuripen pa sikandan te menge ulaula he ebpekezezaat su netuenan ta he uripen is etew te minsan hengkey he ebpekevayàbayà kandin.

Impezayag 2:14

Duen nepipira he menge ulaula niw he kenè ku egkesuatan, su zuen duma keniyu he edsunuzen dan is impenurù dengan ni Belaam. Su si Belaam, impenurù din dengan ki Balak is paag̵i wey mepenulayi is menge kevuwazan ni Israyil. Iyan is kegkaan te impemuhat diyà te kenà tutuu he megbevayà wey is kedhilavet te kenè dan esawa.