1 Kurintu 8:8 - Manobo Western Bukidnon

⁸ Ne sikitew, netuenan tew he kenà iyan is egkeenen tew wey is kenè tew egkeenen igkesuat te Megbevayà su emun egkaan ki te usa ne wazè din pulus diyà te Megbevayà ne emun kenè ki egkaan te usa ne iring din ded daan.

1 Kurintu 8:8 Кръстосани препратки

Mateo 25:15

Mibahin din kandan sumalà is egkeveleveg te uman sevaha kandan te ebpetig̵ayun. Is sevaha, mibeg̵ayan din te lelima he libu he pisus; ne is sevaha, mibeg̵ayan din te zezuwa he libu; ne is sevaha pa, nengkelibu he pisus is imbeg̵ey zin dutun. Ne zutun migenat haazà is etew he edhipanew.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

1 Kurintu 6:13

Ne ke zuen daan egkag̵i he umba mibeelan te Megbevayà is getek ta su wey mahantey te egkeenen, ne utew zaan benar heeyan, iyan, duen timpu keuzemà he wazè en pulus te g̵etek ta ne wazà daan dutun pulus te egkeenen su id-awà keuzemà te Megbevayà is kegemita kayi. Ne iring din ded daan is lawa ta, su kenà egkehimu he egemiten ta is lawa ta wey mahantey is suat ta zuen te etew he kenè ta esawa. Su wazà limbag̵a te Nengazen is lawa tew su wey tew meulaula is meremerik, kekenà, iyan inlimbag̵a zin su wey pinaag̵i kayi mezalig sikandin. Ne iring din ded daan pinaag̵i te Nengazen tew he si Jesus edtulusen keuzemà is lawa tew.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.