1 Kurintu 7:7 - Manobo Western Bukidnon

⁷ Su egkesuatan ku pezem he ed-iringan a keniyu is wazè din esawa, iyan, netuenan ku he wazà himuwa te Megbevayà he meked-iiring kiw su imbeg̵ey zin diyà te sevaha is kebpekeantus te kenà kebpengesawa, ne selakew is imbeg̵ey zin diyà te sevaha.

1 Kurintu 7:7 Кръстосани препратки

Nengeulaula 26:29

Ne ke si Pablo te, “Sikew wey is langun he ebpemineg kedì guntaan kayi, id-ampù ku te Megbevayà he menaney se meg̵aan, himuwa kew zin he iring kedì, iyan, kenè kew mulà mepirisu!”

Ruma 12:6

Ne zuen ketau he imbeg̵ey te Megbevayà diyà te kada sevaha he parti, asal, kenà ebpeked-iiring haazà is ketau te kada sevaha. Kinahanglan he egemiten ta is ketau he imbeg̵ey kenita. Ne penenglitan ke imbeg̵ey ziyà te sevaha is ketau te kebpesevuta te Lalag te Megbevayà ne kinahanglan he mekeikul heini te tuluuwen he midtuuwan ta.

1 Kurintu 12:11

Ne is langun kayi he menge ketau, ne ziyà ebpuun te Wag̵as he Mulin-ulin, minsan pa kayi te wazà med-iring-iring he ketau he ibeg̵ey zin sumalà is gustu zin he ibeg̵ey ziyà te kada sevaha.

1 Kurintu 12:4

Ne haazà is menge ketau he ibeg̵ey kenitew te Wag̵as he Mulin-ulin, ne kenà ed-iiring-iring, iyan, sevaha zà is puunè dan he iyan is Wag̵as he Mulin-ulin.

1 Kurintu 7:8

Ne sikiyu is menge rag̵a, menge kenakan, wey menge valu, iyan sambag ku keniyu is deyzey ke ed-iringan a keniyu is wazè din esawa,

1 Kurintu 9:15

Ne minsan pa te egkehimu he egkekuwa ku is igkeuyag ku zutun te ebpepenurù kedì, wazà a mebuyù diyà te minsan hentei. Ne kenà a zaan ebuyù guntaan diyan te keniyu. Deyzey pa ke egkeumes a te vitil kenà te mekevuyù a su utew ku egkesuati he kenà maawà is igkezantal ku he iyan is: wazè ku mesanggen is kedsengyawa te Meupiya he Tudtulanen.

1 Kurintu 9:5

Ne mezaat be zaan ke ed-iringan ku is menge zuma he epustul wey is menge hazi ni Jesus wey si Pedro zaan su pudu zan duen esawa he tumutuu he edumahan dan ke edhipanew zan? Kenà daan mezaat.