1 Kurintu 7:40 - Manobo Western Bukidnon

⁴⁰ Iyan, meupiya pa is kebpekesavuk dutun te vahi ke kenè en sikandin ebpeesawa. Kediey zà he isip heini, iyan, edtuuwan ku he impinted kediey heini te Wag̵as he Mulin-ulin.

1 Kurintu 7:40 Кръстосани препратки

1 Kurintu 7:1

Ne idsurat ku is tavak ku zuen te menge insè niw zuen te surat niw. In-insè niw ke meupiya ve ke kenè ki ebpengesawa. Ne meupiya iyan ke kenè ki is maama ebpengesawa,

1 Kurintu 7:35

Kenè ku iyan igkeg̵iya kayi is wey kew kenà meked-eeseweey, kekenà, egkesuatan ku he mesembag̵i kew su wey metengkai is menge ulaula niw ne wey kenà mesanggen is hustu he kedtumana niw te ebpeveelan keniyu te Megbevayà.

1 Kurintu 7:6

Kenè ku sikiyu edsug̵uen he mebpees-eseweey kew, kekenà, sambag ku zà keniyu.

1 Kurintu 7:8

Ne sikiyu is menge rag̵a, menge kenakan, wey menge valu, iyan sambag ku keniyu is deyzey ke ed-iringan a keniyu is wazè din esawa,

2 Kurintu 12:11

Henduen a te tulebung he etew su edantal a, iyan, neteg̵el a keniyu su iyan kew pezem ebeg̵ey te menge ketezengan ku he idtavak keniyan te menge uvag kun epustul ni Kristu. Ne minsan pa te wazà kediey he ketau wazà a g̵ihapun melevawi kayi te uvag menge utew lavew he kenà tutuu he epustul ni Kristu.

2 Kurintu 13:3

Dutun, ne egkevenaran kew human he is egkeg̵iyen ku keniyu, iyan is impekag̵i kediey ni Kristu. Ne kenà sikandin telawen, kekenà, emun duen ed-ul-ulahan din keniyu dekelà is gehem din he ibpeehè din keniyu.

2 Kurintu 8:10

Iyan sambag ku keniyu is: himesaza niw haazà is kedtig̵uma niw te selapì he mibpuunan niw zutun te nehuna he tuig. Iyan kew nehuna te kedtig̵um te selapì wey metevangi is menge tigHudiya, ne kenà duen dà taman su heini he isip te kedtavang kandan, ne ziyan ebpuun te keniyu.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.