1 Kurintu 7:34 - Manobo Western Bukidnon

³⁴ Ne tenged kayi layun dezuwa is ed-isipen din, ne kenà egkeuyun heini is dezuwa. Ne iring din ded daan is bahi he wazè din esawa su iyan dà ed-isipen din is egkesuatan te Megbevayà. Ibeg̵ey zin is gehinawa zin wey zesen din su wey mesuat is Megbevayà. Iyan, ke zuen esawa zin, egkeisip din layun is menge igkeseeng dini te kelibutan su wey mesuat is esawa zin.

1 Kurintu 7:34 Кръстосани препратки

Juan 10:13

Umba ebpelag̵uy haazà is sinuhulen su kenà iyan sikandin sikan is tutuu he ed-elima, ne kenà daan mahal ziyà te g̵ehinawa zin haazà is menge kerehidu.

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

1 Kurintu 6:20

iyan teg̵ig̵aked kenita is Megbevayà su utew mahal is imbelukas din kenita. Umba, gemita niw is lawa niw te paag̵i he mevantug is Megbevayà.

1 Kurintu 7:33

Iyan, is maama he zuen din esawa, layun din daan ed-isipen is menge igkeseeng dini te kelibutan su wey mesuat is esawa zin.

1 Kurintu 7:35

Kenè ku iyan igkeg̵iya kayi is wey kew kenà meked-eeseweey, kekenà, egkesuatan ku he mesembag̵i kew su wey metengkai is menge ulaula niw ne wey kenà mesanggen is hustu he kedtumana niw te ebpeveelan keniyu te Megbevayà.

2 Kurintu 11:28

Ne kenà duen dà taman su andew-andew egkereg̵enan a te kedumelaha ku te langun he menge gurupu te menge tumutuu ziyà te minsan hendei.

2 Kurintu 8:16

Dekelà is kebpeselemati zey te Megbevayà su imbeg̵ey zin ki Tito is dekelà he g̵ustu te kedtavang keniyu iring te kenami zaan he g̵ustu.

Pilipus 1:20

Ne utew ku egkesuati, wey idsarig ku ziyà te Megbevayà he layun ku metuman is ebpeveelan din kedì su wey a kenà meeled te minsan keenu he timpu lavew en guntaan. Egkesuatan ku he mezalig si Kristu tenged kedì pinaag̵i te kebpaawaa kedì kayi te pirisuwan ne emun kenà, ne mezalig si Kristu pinaag̵i te kebpatey ku.

1 Tiselunika 5:23

Is Megbevayà, ne iyan ebeg̵ey te kelinew, berakat he purungi zin lumpiyuwi is ulaula niw. Lig-eni zin is tivuuk he g̵ehinawa niw, isip niw, wey lawa niw su para wazà igkesewayi keniyu keuzemà te kedlikù te Nengazen tew he si Jesus.

1 Timoteo 3:5

Su is maama he kenà metau he ed-uwit te esawa zin wey menge anak din, ebmenumenu sikandin he ed-uwit te menge etew he menge tumutuu te Megbevayà?

1 Timoteo 5:5

Ne sikan is balu he vahi he wazè din egkeserig̵an te keuyag̵an din, iyan din dà egkeserig̵an is Megbevayà, ne maandew wey mezukilem ed-ampù wey ebuyù te tavang diyà te Megbevayà.

Tito 3:8

Utew tutuu heini is impesavut ku kenikew. Egkesuatan ku he ipurung nu ipenurù heini ziyan su utew hustu wey zekelà is pulus kayi ziyà te minsan hentei. Ne emun nesavut en heini te menge tumutuu te Megbevayà iyan dekelà diyà te g̵ehinawa zan is ked-ul-ulaha zan te meupiya.