1 Kurintu 7:33 - Manobo Western Bukidnon

³³ Iyan, is maama he zuen din esawa, layun din daan ed-isipen is menge igkeseeng dini te kelibutan su wey mesuat is esawa zin.

1 Kurintu 7:33 Кръстосани препратки

Lucas 12:22

Ne migkag̵i si Jesus diyà te menge sumusundan din te, “Ne tenged kayi egkeg̵iyen ku keniyu te menge sumusundan ku he kenè kew meseeng te egkeenen he igkeuyag niw. Ne kenè kew zaan meseeng te ugelingen he idsun-ud te lawa niw.

Lucas 14:20

Ne is sevaha pa he etew zutun, ne egkag̵i te, ‘Kenà a ebpeketelavuk su sikan pa meipus is kebpeesewaa kediey ne umba kenà a ebpekehendiyan.’

Juan 10:13

Umba ebpelag̵uy haazà is sinuhulen su kenà iyan sikandin sikan is tutuu he ed-elima, ne kenà daan mahal ziyà te g̵ehinawa zin haazà is menge kerehidu.

1 Kurintu 7:3

Ne sikiyu is teleesawa, kinahanglan he ebpehulizè kew. Kenà meupiya ke kenà edhulid is maama wey ke kenà edhulid is bahi.

1 Kurintu 7:32

Egkesuatan ku pezem he wazà utew mezakel he kelibutanen he igkesemuki keniyu. Is maama he wazè din esawa, iyan dà seeng din is kedtumana zin te ebpeveelan kandin te Nengazen su iyan din ed-isipen layun is egkesuatan te Nengazen.

1 Kurintu 7:34

Ne tenged kayi layun dezuwa is ed-isipen din, ne kenà egkeuyun heini is dezuwa. Ne iring din ded daan is bahi he wazè din esawa su iyan dà ed-isipen din is egkesuatan te Megbevayà. Ibeg̵ey zin is gehinawa zin wey zesen din su wey mesuat is Megbevayà. Iyan, ke zuen esawa zin, egkeisip din layun is menge igkeseeng dini te kelibutan su wey mesuat is esawa zin.

Kulusas 3:19

Ne sikiyu zaan is menge maama, mahala niw is esawa niw; kenè niw sikandan henghenggeri.

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.

1 Pedro 3:7

Sikita zaan is maama, kinahanglan he ebpurungan ta wey edtehuzen ta is esawa ta. Su minsan pa te meluya is lawa zan kenà is kenita, iring sikandan kenita su imbeg̵ey zaan kandan te Megbevayà is untung he wazà pidtemanan. Ne tenged kayi kinahanglan he edtehuzen ta sikandan su wey pemineg̵a te Megbevayà is kebpengampù ta.