1 Kurintu 7:26 - Manobo Western Bukidnon

²⁶ Iyan is: geina te utew mezakel is kemereg̵enan tew te menge tumutuu kayi te timpu, meupiya ke kenè kew ebpees-eseweey.

1 Kurintu 7:26 Кръстосани препратки

Mateo 24:19

Ne zutun he andew, kehizu utew te menge vahi he memeg̵ingey wey ebpemenleg̵imu su utew zan egkengereg̵enan he ebpelag̵uy!

Lucas 21:23

Ne zutun he andew, kehizu utew te menge vahi he memeg̵ingey wey ebpemenleg̵imu su utew zan egkengereg̵enan he ebpelag̵uy! Utew gerabi he kemeresayan is egkehitavù kayi te inged su edsilutan en te Megbevayà is menge Hudiyu.

1 Kurintu 7:1

Ne idsurat ku is tavak ku zuen te menge insè niw zuen te surat niw. In-insè niw ke meupiya ve ke kenè ki ebpengesawa. Ne meupiya iyan ke kenè ki is maama ebpengesawa,

1 Kurintu 7:27

Ke zuen etew he wazè din esawa ne kenè din pen-ahaa is ed-esewaan din, iyan, ke zuen daan etew he zuen din en esawa ne kenè din engkezi.

1 Kurintu 7:28

Ne emun ebpengesawa is maama ne kenà daan salà haazà ne emun ebpeesawa is bahi ne iring din ded daan su kenè man salà. Iyan dà igkekeg̵iya ku he meupiya ke kenè kew ebpees-eseweey su emun ebpees-eseweey kew ne mereg̵en is egkeulaula niw zini te kelibutan ne egkesuatan ku pezem he kenè niw meseg̵azi is iring dutun.

1 Kurintu 7:8

Ne sikiyu is menge rag̵a, menge kenakan, wey menge valu, iyan sambag ku keniyu is deyzey ke ed-iringan a keniyu is wazè din esawa,

2 Tiselunika 2:2

Edhengyuan dey sikiyu he kenè kew petuluy meliveg wey mahandek emun egkezineg niw is tudtul he neuma en is andew te kedlimasa te Megbevayà te menusiyà. Kenè kew meliveg kayi minsan ke lalag he ibpinted kun, wey ke tudtul zey kun be, wey minsan surat he zini kun ebpuun te kenami.

1 Pedro 4:17

Iyan heini, menge suled, timpu he pinaag̵i te merasey he egkeulaula ebpuunan te Megbevayà is kedsusiya zin te menge ulaula te menusiyà. Edhunaan din edsusiya is menge sakup din. Ne emun iyan kiw zin is menge tumutuu edhunaan din, utew pa merasey is egketemanan te menge etew he kenà ebpemineg te Meupiya he Tudtulanen he impesavut kandan te Megbevayà.