1 Kurintu 7:21 - Manobo Western Bukidnon

²¹ Emun uripen ka zutun te kebpeketuu nu, ne maambe en, iyan, ke egkehimu he ebelukasan ka ne meupiya pa haazà, pevelukas ka.

1 Kurintu 7:21 Кръстосани препратки

Lucas 12:29

Kenè kew meseeng! Kenè niw iyan isipa ke hengkey is egkekaan niw wey egkeinum.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

1 Kurintu 12:13

Ne sikitew is langun, Hudiyu se kenà Hudiyu, sulug̵uen se kenà sulug̵uen, ne pudu kiw mibewtismuwan te sevaha zà he Wag̵as he Mulin-ulin; ne pinaag̵i kayi nehimu kiw en he sevaha zà he lawa, ne mid-ulinan kiw pudu te sevaha zà he Wag̵as he Mulin-ulin.

1 Kurintu 7:20

Ipelaus niw en haazà is kebpekesavuk niw puun dutun te aney he kebpetuuwa keniyu te Nengazen tew.

1 Kurintu 7:22

Minsan ke uripen ka zutun te kedhimuwa kenikew he tumutuu te Nengazen, iyan ked-ahaa zin kenikew is kenè ka uripen. Ne iring din ded daan, minsan pa ke kenè ki uripen, emun tumutuu ki te Nengazen ne uripen ki g̵ihapun ni Kristu.

Gelasya 3:28

Ne tenged dutun kinahanglan he kenè niw isipa he ibpelavi te Megbevayà is menge Hudiyu, ne emun kenà, ne iyan is kenà menge Hudiyu, su ziyà te kandin neked-iiring is langun he menge etew, uripen se kenà uripen, maama se vahi, ne sikiyu zaan, neked-iiring kew ziyà te Megbevayà su neked-iiring kew he edtuu ki Jesu Kristu.

Pilipus 4:11

Kenà iyan igkeg̵iya ku kayi is tenged te zuen kurang ku te menge egkinehenglanen ku, su minsan ke kenà utew meupiya is kebpekesavuk ku, impenurù kedì te Megbevayà he kinahanglan he mebmeupiya g̵ihapun is gehinawa ku.

Pilipus 4:6

Kenè niw ikeseeng is minsan hengkey he egkeulaula niw, kekenà, emun ed-ampù kew buyua niw ziyà te Megbevayà is egkinehenglanen niw ne emun ebuyù kew, ne kinahanglan he peselemati niw en he zaan.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.

Hibriyuhanen 13:5

Bantey kew su kela ke utew subra is suat niw te selapì. Kinahanglan he imeupiye en te g̵ehinawa niw is naazen niw, su migkag̵i is Megbevayà te, “Kenè ku sikiyu ed-ewaan ne kenè ku sikiyu ed-engkezan.”

1 Pedro 5:7

Isarig niw ziyà te kandin is minsan hengkey he seeng niw su iyan sikandin ed-elima keniyu.