1 Kurintu 7:18 - Manobo Western Bukidnon

¹⁸ Penenglitan, ke zuen tumutuu he zaan he nesirkunsidar su wey metuusi he Hudiyu sikandin, ne iyan sambag ku kandin is kenè din ipaawà is tuus te kedsirkunsidara kandin. Ne iring din ded daan is etew he kenà Hudiyu zutun te kebpeketuu zin, kinahanglan he kenà sikandin ebpesirkunsidar.

1 Kurintu 7:18 Кръстосани препратки

Nengeulaula 15:19

Umba,” ke si Santiago, “iyan kedì he sambag is: heini is menge etew he kenè tew zuma te Hudiyu he edtuu te Megbevayà, kenè tew sikandan edsemuken.

Nengeulaula 15:24

Nezineg dey is tudtul he zuen menge zuma zey he Hudiyu he nekesamuk keniyu v su igkeliveg niw is menge penurù dan, iyan, wazè dey sikandan sug̵ua.

Nengeulaula 15:28

Impesavut kenami te Wag̵as he Mulin-ulin ne neuyunan dey zaan he kenè dey keniyu ibpetuman is memereg̵en he imbilinbilin he kesug̵uan; iyan dà heini is utew kinahanglan he edtumanen niw.

Nengeulaula 15:5

Ne zutun duen migkag̵i he menge tumutuu he sakup te upakat he Perisiyu, ne ke sikandan te, “Sikan is menge tumutuu he kenà menge Hudiyu, kinahanglan he edsirkunsidaren sikandan wey kinahanglan ded daan he ibpetuman kandan is kesug̵uan he imbilinbilin ni Moises.”

Nengeulaula 21:21

Nezineg dan is tudtul he is menge zuma tew he Hudiyu he ziyà te menge inged te kenà menge Hudiyu, impenurù nu kandan he engkezi zan is kedtumana zan te kesug̵uan he imbilinbilin dengan ni Moises. Impenurù nu kun kandan he kenè dan sirkunsidara is menge anak dan he maama ne kenè dan en sunuza is menge vetasan tew te menge Hudiyu.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.