1 Kurintu 7:14 - Manobo Western Bukidnon

¹⁴ Su sikiyu is nemeketuu te Nengazen tew he si Jesus he zuen esawa niw he kenà tumutuu, edtuvazan daan te Megbevayà is esawa niw tenged keniyu minsan ke wazà sikandin medtuu, ne edtuvazan din daan is menge anak niw. Su emun kenà heini tutuu, ebpekeiring is menge anak niw te menge anak te menge etew he wazà medtuu te Nengazen.

1 Kurintu 7:14 Кръстосани препратки

Nengeulaula 10:23

Ne impeseled dan ni Pedro ne impehizeg̵è din sikandan te sengekezukileman. Ne te nepawà dutun, miduma si Pedro kandan. Ne zuen daan miduma he menge tumutuu he tigHupi.

Ruma 11:16

Ne g̵eina te neg̵aked te Megbevayà si Abraham, si Isaak, wey si Hakub, is menge kepuun te menge Hudiyu, kenà egkehimu he kenà daan gaked te Megbevayà is menge kevuwazan dan. Emun gaked te Megbevayà is dalid te kayu, kinahanglan he g̵aked din daan is lawa.

1 Kurintu 7:13

Ne iring din ded daan is bahi he neketuu, kenà sikandin mebpekidsuwey te esawa zin he kenà tumutuu ke kenà egkesuat he ebpekidsuwey is maama.

1 Timoteo 4:5

Netuenan ta he meupiya is kegkeena ta kayi tenged te iyan migkag̵i te Megbevayà wey tenged te ebpeselematan tew.

Tito 1:15

Ke zuen etew he nelumpiyuwan te Megbevayà, wazà minsan hengkey he ibmeremerik din. Iyan, ke zuen etew he wazà melumpiyuwi te Megbevayà, wazà minsan hengkey pa he paag̵i he igkelumpiyu kandin su kenè sikandin edtuu ne nelalung utew is isip din wey g̵ehinawa zin.