1 Kurintu 6:3 - Manobo Western Bukidnon

³ Su iyan kiw keuzemà edsusi te menge ulaula te minsan menge velinsug̵uen te Megbevayà ne iyan pe be kenè tew egkesusi is menge ulaula he zini zà te tanà!

1 Kurintu 6:3 Кръстосани препратки

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Lucas 8:14

Ne haazà is benì he ziyà mengeulug te tanà he zug̵iyen is menge sagbet dutun, ne iyan is Lalag te Megbevayà he nezineg te menge etew, iyan, tenged te menge seeng dan wey is suat dan te selapì, wey is menge kelipey he kayi te kelibutan, egkelipatan dan is nezineg dan ne kenà ebpulus diyà te kandan is Lalag te Megbevayà.

Ruma 6:16

Su netuenan niw he ke ebpesakup ki te minsan hentei su wey ki zin meveyveyai, egkehimu ki en he iring te uripen din. Ne iring din ded daan is etew he ebpilien din he iring te egalen din is mezaat he kebayè din. Ne idsilut kandin is kemetayen he wazè din pidtemanan. Ne is etew mulà he ebpesakup te Megbevayà ne ed-isipen te Megbevayà he metazeng sikandin.

1 Kurintu 6:15

Netuenan niw ve he heini is menge lawa tew te menge tumutuu, ne parti te lawa ni Kristu. Ne tenged kayi kenà egkehimu he egemiten ta is parti te lawa ni Kristu te kedhuliza te vahi he meremerik is ulaula zin.

1 Kurintu 6:16

Siguradu netuenan niw he is maama he edhulid te vahi he meremerik is ulaula zin, egkehimu is lawa zan te zezuwa he sevaha zà he lawa. Su zuen insurat he Lalag te Megbevayà mehitenged te maama wey vahi he ebpeked-esawa he edhenduen te, “Haazà is dezuwa, ne egkehimu en he sevaha zà he lawa.”

1 Kurintu 6:19

Siguradu netuenan niw he is lawa niw, ne iyan ed-ubpaan te Wag̵as he Mulin-ulin he imbeg̵ey keniyu te Megbevayà. Kenè ki en maan teg̵ig̵aked te lawa ta, kekenà,

1 Kurintu 6:4

Ne emun duen idsumbung te sevaha keniyu he zuma zin he tumutuu, kenà meupiya ke ibpehusey zin te etew he wazè din kelavet dini te kenitew te menge tumutuu?

2 Timoteo 2:4

Sikan is mibpesundaru, ne kenà egkehimu he ed-ul-ulahan din is ed-ul-ulahan te kenà sundaru, su kinahanglan he layun sikandin andam te kebpenunuat te egalen din.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

2 Pedro 2:4

Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.

Hudas 1:6

Isipa niw zaan is menge velinsug̵uen din dengan diyà te langit. Mid-engkezan dan is ketengdanan he imbeg̵ey zin kandan ne mid-ewaan dan is hustu he ed-ubpaan dan. Tenged dutun mibpirisu zin sikandan diyà te utew merusirem. Mibakus din te kedina he kenà egkezeetan te wazà pidtemanan su idtag̵ad sikandan taman te kenè pa egkeuma is andew keuzemà te kedsiluti zin kandan.