1 Kurintu 6:2 - Manobo Western Bukidnon

² Wazè niw ve metueni he sikitew is menge tumutuu, iyan kiw ebpenhusey keuzemà te langun he menge etew zini te kelibutan? Ne emun egkehimu he ebpenhusey kiw te tivuuk he menusiyà, wey pe be kenà egkehimu he edhusayen tew heini is menge zeisey he sumbung?

1 Kurintu 6:2 Кръстосани препратки

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Lucas 22:30

Keuzemà ke edhadì a ne ebpinuu kew zuma kedì su ebpetugtug̵enè kiw is egkaan wey ed-inum. Ne ibpehadì ku sikiyu te menge kevuwazan duen te sepulù wey zezuwa he menge anak ni Israyil.”

Ruma 6:16

Su netuenan niw he ke ebpesakup ki te minsan hentei su wey ki zin meveyveyai, egkehimu ki en he iring te uripen din. Ne iring din ded daan is etew he ebpilien din he iring te egalen din is mezaat he kebayè din. Ne idsilut kandin is kemetayen he wazè din pidtemanan. Ne is etew mulà he ebpesakup te Megbevayà ne ed-isipen te Megbevayà he metazeng sikandin.

1 Kurintu 1:20

Ne egkesavut ta kayi he wazè en pulus te ketau te menge uluwanen, ne wazà daan pulus te kedsavut te nemeketunghà wey te menge metau he egkag̵i zini te kelibutan. Su impesavut en te Megbevayà he is ketau he zini zà ebpuun te kelibutan, wazè en pulus diyà te kandin.

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

1 Kurintu 6:4

Ne emun duen idsumbung te sevaha keniyu he zuma zin he tumutuu, kenà meupiya ke ibpehusey zin te etew he wazè din kelavet dini te kenitew te menge tumutuu?

2 Kurintu 4:18

Su iyan netag̵ù mepurung dini te g̵ehinawa zey, kenà is menge vutang he egkeehè ta zini te kelibutan, kekenà, iyan is menge vutang he kenè te pa egkeahà he ziyà te langit. Su is menge vutang he egkeehè ta zini te kelibutan, ne meg̵aan dà egkehanew, iyan, sikan is kenè pa egkeahà he ibeg̵ey te Megbevayà, ne kenà mulà egkehanew te wazà pidtemanan.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

Impezayag 20:4

Ne zutun neehè ku is menge pinuuwà te edhadì. Ne is ebpememinuu zutun, mibeg̵ayan sikandan te keg̵ehem te kedhukum wey kebeg̵ey te kukuman. Neehè ku zaan is menge g̵imukud te menge etew he midhimetayan tenged te insangyew zan is Lalag te Megbevayà wey is impenurù ni Jesus. Wazè dan med-azap duen te langgam wey te ledawan te langgam, ne wazè dan daan mebpetiyap te tiyap te langgam diyà te vuked dan wey ke ziyè be te velad dan. Nengevanhew sikandan ne impehadì sikandan duma ki Kristu seled te nengkelibu he tuig.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.