1 Kurintu 6:12 - Manobo Western Bukidnon

¹² Ne ke zuen egkag̵i he sikitew is tumutuu, egkehimu en he ed-ul-ulahan tew is minsan hengkey emun kenà mezaat su nelibri kiw en te kedtumana te kesug̵uan, ne utew venar heeyan, iyan, mezakel is ulaula he kenà ebpeketavang kenitew te kedtuu tew. Su minsan ke egkehimu he ed-ul-ulahan ku is minsan hengkey, kenè ku idtug̵ut he ed-uripenen a te minsan hengkey he ulaula.

1 Kurintu 6:12 Кръстосани препратки

Juan 5:10

Umba, haazà is etew he neulian, nepeukan sikandin te menge punuan he Hudiyu; ke sikandan te, “Iyan heini Andew te Kedhimeley ne ebpekesupak ka te kesug̵uan tew ke ed-uwiten nu heeyan is ikam.”

Ruma 7:14

Netuenan tew he meupiya is kesug̵uan su imbeg̵ey te Wag̵as he Mulin-ulin. Iyan, siak, geina te edtumanen ku is menge mezaat he suat te lawa ku ne nehimu a he iring te uripen te menge mezaat he kebayà.

1 Kurintu 8:4

Ne mehitenged te kegkaan te usa he impemuhat duen te menge tarù he ed-ezapen, netuenan tew he kenè man Megbevayà is iring dutun su sebsevaha zà is tutuu he Megbevayà.

1 Kurintu 9:12

Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

1 Kurintu 9:27

Ne heini is lawa ku, ke zuen mezaat he suat din, ne edhimuwen ku is taman te egkehimu ku su wey ku meeg̵en su kela ke, siak is nekepenurù te zuma, ne iyan a kenà egkesuhulan keuzemà te Megbevayà.

2 Tiselunika 3:9

Duen dey ketenged te kebpesuhul keniyu, iyan, wazè key mebpesuhul, kekenà, midterebahu key su wey zuen ulaula zey he egkeiringan niw.

Hudas 1:12

Ebpekezezaat sikandan te zengeg niw ke edtampu zan te keemuran niw su kenè dan mulà egkeeled dutun te kedtumana zan te mezaat he kebayè dan ke ebpekidtug̵en dan keniyu. Iyan dà egkeisip dan is kandan dà he egkesuatan. Wazè dan menge pulus; iring sikandan te menge g̵apun he wazà duen uzan he mibpagwis te keramag. Iring sikandan te menge kayu he kenà ebpemeg̵as minsan pa te iyan en pezem timpu te kebpemeg̵as. Ne umba kenà ebpekepemeg̵as su nepiley en ne neg̵angu.