1 Kurintu 5:2 - Manobo Western Bukidnon

² Ne minsan pa zutun kemulu kew pa ebpegalbu. Kunaan niw vuwa ke utew meupiya is ulaula niw! Deyzey pezem ke egkeseeng kew. Kinahanglan pezem he wazè niw tug̵uti heeyan is maama he mebpekiduma keniyu.

1 Kurintu 5:2 Кръстосани препратки

1 Kurintu 4:18

Utew ebpegalbu is duma keniyu su kunaan dan ke egkehandek a he edhendiyan te kedsusi keniyu.

2 Kurintu 12:20

Egkesamuk is gehinawa ku su kela ke zutun te kebpekeuma ku ziyan ne iyan ku egkeahà diyan te keniyu is menge ulaula he kenè ku egkesuatan. Ne emun iyan haazà ne zuen ed-ul-ulahan ku zutun he kenè niw zaan egkesuatan su kinahanglan he edsewayen ku is keniyu he ulaula. Su kela ke zuen ebpekigkuntada ziyan te menge zuma zin, kela ke zuen egkesina, duen petuluy egkepauk, wey leg̵ezen, kela ke zuen diyan ebpenemperasà wey edsulà te zuma zin, kela ke zuen bereituk. Kela ke zuen diyan te keniyu gelbuwen, wey kela ke wazè niw kebpekid-uyun te menge tumutuu.

2 Kurintu 12:21

Egkesemukan a su kela ke zutun te kebpekeuma ku ziyan ne igkeeled ku sikiyu ziyà te Megbevayà ne kela ke utew a egkeseeng tenged te mezakel he netuenan ku zengan he nekevaal te mezaat ne wazè dan pa engkezi is menge mahawag he ulaula zan iring te kedhilavet te kenè dan esawa wey is kedtumana zan te mezaat he kebayè dan.