1 Kurintu 4:4 - Manobo Western Bukidnon

⁴ Minsan te wazà egketuenan ku he sayep ku, egkehimu pa he zuen pa kurang te ebeelan ku su iyan metau is Megbevayà. Iyan sikandin edsusi te menge vaal ku.

1 Kurintu 4:4 Кръстосани препратки

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Nengeulaula 23:1

Ne si Pablo, midtengtengan din haazà is nengetig̵um he menge ebmeg̵urangen ne ke sikandin te, “Menge suled, wazà buring te zengeg ku ziyà te etuvangan te Megbevayà taman en guntaan!”

Ruma 2:13

Su emun iyan ta edserig̵an is kesug̵uan, kenè egkehimu he ed-isipen ki te Megbevayà he metazeng pinaag̵i zà te kebpemineg te insug̵ù dutun te kesug̵uan, kekenà, kinahanglan he wazà minsan hengkey he sayep ta zutun te kedtumana ta te kesug̵uan.

Ruma 4:2

Netuenan ta he kenà iyan ketezengan ke maan is mid-isip te Megbevayà sikandin he metazeng su wazè din mesupak is egkesuatan te Megbevayà. Su ke wazà supak din, tutuu iyan he zuen din igkezantal. Iyan, netuenan ta he nekesupak gihapun si Abraham ne tenged dutun wazè din iyan igkezantal ziyà te etuvangan te Megbevayà.

1 Kurintu 4:3

Iyan, kenè ku igkesamuk ke hengkey is egkeg̵iyen niw wey ke hengkey is egkeg̵iyen te etew zà duen mehitenged te kedtumana ku te ebpeveelan kedì te Megbevayà su kenè kew iyan edsusi kedì. Kenè daan egkehimu he iyan a edsusi te vaal ku.

1 Kurintu 4:5

Umba, kenè kiw edsawey te menge zuma tew, kekenà, edteg̵azan tew is kedlikù te Nengazen tew he si Jesus. Ibpeg̵awag̵awa zin dutun is nekeeles he menge vaal te menge etew g̵untaan, ne ibpetuenan din is wazè pa metueni he menge ed-isipen te menge etew. Ne zutun egketuenan te kada sevaha he etew ke zuen igkezelig̵i kandin te Megbevayà wey ke wazà.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 5:10

Su is minsan hentei kenitew, kinahanglan he ziyà ed-etuvang keuzemà te ki Kristu su edsusiyen din is menge ulaula tew su wey mezawat te kada sevaha kenitew is suhul he zait te langun he mid-ulaula zin dini te kelibutan ke meupiya ve wey ke wazè din menge pulus.