1 Kurintu 4:16 - Manobo Western Bukidnon

¹⁶ Ne g̵eina te amey a keniyu, edhengyuan ku sikiyu he med-iring kew kediey.

1 Kurintu 4:16 Кръстосани препратки

1 Kurintu 11:1

Ne tenged dutun, menge suled, iringi niw is ed-ul-ulahan ku, iring te ed-iringan ku zaan is mid-ulaula zengan ni Kristu.

Pilipus 3:17

Is langun te sikiyu, menge suled, purungi niw te ed-iring heini is menge ulaula ku. Iyan niw zaan iringi haazà is menge etew he iring is menge ulaula zan te kenami he ulaula.

Pilipus 4:9

Pen-ul-ulaha niw heini is langun he impenurù ku, wey impesavut ku keniyu pinaag̵i te menge lalag ku wey pinaag̵i zaan te menge ulaula ku. Ne zutun, is Megbevayà he iyan puunà te kelinew tew te wazè din pidtemanan, iyan ed-ulin keniyu.

1 Tiselunika 1:6

Ne sikiyu zaan, mid-iringan niw is mid-ulaula zey wey is mid-ulaula zengan te Nengazen tew he si Jesus su midawat niw is Lalag te Megbevayà minsan nekeag̵i kew te kemeresayan tenged te kedawat niw. Ne minsan pa te nerasey kew, nelipey kew zed tenged te ked-ulini keniyu te Wag̵as he Mulin-ulin.

2 Tiselunika 3:9

Duen dey ketenged te kebpesuhul keniyu, iyan, wazè key mebpesuhul, kekenà, midterebahu key su wey zuen ulaula zey he egkeiringan niw.

Hibriyuhanen 13:7

Kenè niw lipati is menge egalen niw te nengehuna he timpu he nekepenurù keniyu te Lalag te Megbevayà. Isipa niw is meupiya he nehimu pinaag̵i te menge ulaula zan ne iring kandan hemeni niw is kedtuu niw ki Jesu Kristu.

1 Pedro 5:3

Kenè kew medhadìhadì kandan te insarig keniyu, kekenà, eg̵aka niw sikandan su wey iyan kew zan edsunuzen te menge meupiya he ulaula.