1 Kurintu 4:11 - Manobo Western Bukidnon

¹¹ Sikami, minsan guntaan, egkealang-alang key te egkeenen dey wey ed-inumen dey; ebpemug̵elen key ne minsan is hustu he ugelingen dey, ne wazà. Ne minsan is ed-ubpaan dey ne wazà daan.

1 Kurintu 4:11 Кръстосани препратки

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Nengeulaula 14:19

Ne nekeuma is menge Hudiyu he tig-Entiyukya ziyà te prubinsya he Pisidya wey elin dutun is menge Hudiyu he tig-Ikunya. Midhimu zan he mengepauk engki Pablo haazà is menge etew. Midtuleng dan si Pablo te vatu ne miguyud dan in-awà dutun te inged su kunaan dan ke minatey en.

Nengeulaula 16:23

Ne hein nepurung en mevug̵el si Pablo wey si Silas, mibpirisu sikandan. Sikan is ebantey zutun te pirisuwan, midteleenan dan he purungi zin bentayi haazà is dezuwa.

Nengeulaula 23:2

Ne zutun, si Eneniyas sikan is lavew he memumuhat, migkeg̵iyan din is menge etew zutun te uvey ni Pablo he tebpia zan is bèbè din wey mesiluti sikandin.

Ruma 8:35

Ne emun iyan haazà ne wazà minsan hengkey he ebpekepesuwey kenita ziyà te ki Kristu. Minsan ke egkerasey ki te kemereg̵enan wey samuk wey pesipala; minsan ke egkereg̵enan ki te vitil ne wazè ta ugelingen; minsan ke egkekeizan ki ne edhimetayan ki; ne kenà egkeawà is kebmahal ta ziyà te g̵ehinawa ni Kristu.

1 Kurintu 9:4

mezaat be ke ebuyuen ku is egkeenen ku wey ed-inumen ku ziyà te menge tumutuu he ebpekezawat te ibpenurù ku? Kenà mezaat.

2 Kurintu 11:20

Su ke zuen minsan hentei he ebmandarmandar keniyu wey ke zuen ed-ag̵ew te menge azen niw wey ke zuen edlimbung keniyu wey ke edlupig̵en kew zan wey ke ebug̵elen kew zan ne ed-entusen niw.

2 Kurintu 4:8

Layun key ebpekeag̵i te kemereg̵enan, iyan, kenà egkeawà is kedsarig dey. Henduen be te wazè dey en layun paag̵i, iyan, edsarig key g̵ihapun te tavang te Megbevayà.

Pilipus 4:12

Neseg̵azan ku en is kegkealang-alang wey is neezenan te langun he egkinehenglanen ku. Ne neleyaman ku en heini he egkeulaula te minsan hendei wey te minsan keenu, se zuen keuyag̵an ku se wazè ku keuyag̵an, ke neeezenan a wey ke egkealang-alang a.

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.