1 Kurintu 4:1 - Manobo Western Bukidnon

¹ Ne sikami is ebpenurù, kinahanglan he isipa key keniyu he menge sulug̵uen dà ni Kristu. Insarig te Megbevayà kenami is kedseysaya te langun he menge in-eles din dengan he tuluuwen.

1 Kurintu 4:1 Кръстосани препратки

Mateo 13:11

Ne midtavak kandan si Jesus te, “Sikan is in-eles dengan mehitenged te kedhadì te Megbevayà, impesavut en keniyu te menge sumusundan ku, iyan, is duma he menge etew, id-eles heini kandan.

Mateo 24:45

Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Marcos 4:11

Ne ke si Jesus te, “Sikiyu is menge sumusundan ku, ibpesavut en keniyu te Megbevayà sikan is in-eles dengan mehitenged te kedhadì din, iyan, is menge zuma he menge etew, ibpenurù kandan pinaag̵i te menge sempità.

Lucas 1:2

Insurat dan is neg̵ug̵ud kenami te menge etew he iyan nekeahà kayi te menge vaal wey iyan midsangyew te Lalag te Megbevayà.

Lucas 12:42

Ne midtavak is Nengazen te, “Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Lucas 8:10

Ne midtavak si Jesus te, “Sikan is in-eles dengan mehitenged te kedhadì te Megbevayà, ibpesavut ku en keniyu te menge sumusundan ku, iyan, is menge zuma he menge etew he kenè dan edsundan kedì, ibpenurù ku kandan pinaag̵i te menge sempità su wey minsan edtengteng dan, kenè dan ebpekeahà ne minsan ebpemineg dan ne kenè dan ebpekesavut.”

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.

Ruma 16:25

Edelig̵en tew is Megbevayà! Pinaag̵i te Meupiya he Tudtulanen he ibpenudtul ku he iyan is mehitenged ki Jesu Kristu, wey pinaag̵i te tuluuwen he neug̵et he timpu is ked-elesa zuen te Megbevayà, egkehimu he edheg̵eten din is kedtuu niw.

1 Kurintu 2:7

Heini is ketau he egkeg̵iyen ku, ne iyan kes in-eles he edhimuwen te Megbevayà he wazà metueni zengan te menusiyà. Dengan dà te wazè pa limbag̵a is minsan hengkey, daan he mid-isip te Megbevayà heini is edhimuwen din su wey kiw tulusa.

1 Kurintu 3:5

Isipa niw man heini. Siak si Pablo, hentei a? Ne hentei zaan si Epulus? Sulug̵uen key zà te Megbevayà. Pinaag̵i kenami midhimu zin he meketuu kew. Edtumanen dey zà is ebpeveelan din kenami. Ne iyan dà ed-ul-ulahan dey.

1 Kurintu 4:13

Ne emun ed-el-elezen key ne kenà mezaat is idtavak dey. Minsan guntaan henduen key te rapek dà duen su kenè key idrerepengan te menge etew, ne henduen key te utew minus is pid-etawan din.

1 Kurintu 4:2

Ne is sinerig̵an, ne kinahanglan he metinumanen sikandin te menge sug̵ù te egalen din.

2 Kurintu 11:23

Netuenan ku he henduen a te ebuneg̵en kayi te menge lalag ku, iyan, kenà egkesabpeng is bèbè ku kayi te egkeg̵iyen ku. Egkeg̵iyen dan he menge sulug̵uen sikandan ni Kristu. Siak, lavew e pa he metinumanen he sulug̵uen ni Kristu. Utew memereg̵en is ebpeveelan din kediey. Lelayun ad egkepirisu ne sikandan, kenà layun. Lelayun ad ebug̵ela te menge etew he kuntada te Megbevayà, kenà te sikandan. Mezakel en is nengeeg̵iyan ku he edhimetayan a pezem, kenà te sikandan.

2 Kurintu 12:6

Ne penenglitan ke egkesuatan ku he edantal a, kenà egkehimu he egkeg̵iyen niw he wazà pulus te zantal ku su tutuu is idantal ku, iyan, kenà a edantal su kenè ku egkesuatan he isipa a te menge etew he utew lavew. Meupiya ke zutun dà ebpuun is ked-isipa zan kedì te menge ulaula ku he neehè dan wey menge penurù ku he nezineg dan.

2 Kurintu 4:5

Kenà iyan dey ibpenurù su wey key mevantug te menge etew, kekenà, iyan dey ibpenurù su wey mevantug si Jesu Kristu he iyan Nengazen te langun. Sikami, edtevangan dey en sikiyu su wey zey metuman is sug̵ù ni Jesus.

2 Kurintu 6:4

Ne umba ebpurungan dey is ulaula zey su wey zey ikepaahà he menge sulug̵uen key te Megbevayà te minsan hengkey he paag̵i. Ne tenged kayi ed-antus key te minsan hengkey he kemereg̵enan, kemeresayan, wey menge samuk.

Ipisu 1:9

Ne impesavut din kenitew is daan he in-eles he edhimuwen din su iyan tuyù wey egkesuatan din. Ne mid-isip din he zaan he pinaag̵i ki Kristu

Ipisu 6:19

Ne iampù a zaan keniyu he iveg̵ey kediey te Megbevayà is ketau te kebpenudtul te lalag din. Ne iampù niw zaan he kenà a mahandek, kekenà, iveg̵ey kediey is hustu he egkeg̵iyen wey ku ikepesavut is Meupiya he Tudtulanen he in-eles dengan.

Kulusas 2:2

Iyan idhag̵ù ku su wey melig-eni is kedtuu niw te Megbevayà pinaag̵i te kegkeupakat niw wey pinaag̵i te kebmahala niw te uman sevaha keniyu. Egkesuatan ku he meheg̵et is kegkesavut niw te impenurù keniyu he iyan kes impezayag te Megbevayà keniyu mehitenged ki Kristu.

Kulusas 4:3

Ne emun ed-ampù kew, iampù key zaan keniyu. Ampù kew he himuwa te Megbevayà is paag̵i wey key mekesangyew te in-eles dengan he lalag din mehitenged ki Kristu. Umba zini a g̵untaan te pirisuwan su insangyew ku heini is lalag.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

1 Timoteo 3:6

Ne kinahanglan daan he kenà sikandin beg̵u pa he tumutuu, su kela ke mehimu he mepelevawen ne egkesilutan te Megbevayà iring te midsilutan si Setanas.

1 Timoteo 3:9

Kinahanglan he edhemenan dan te edtuu he kenà duwazuwa is menge tuluuwen he imbugnà kenitew te Megbevayà.

Tito 1:7

Ne g̵eina te insarig kandin te Megbevayà is kedumala te menge tumutuu, kinahanglan he wazà supak din. Kenà sikandin mebmandarmandar zà; kenà sikandin eengeren. Kinahanglan he kenà sikandin lelenguten, kenà sikandin ebpemeg̵espeg̵es ne kenà iyan dekelà diyà te g̵ehinawa zin is selapì.

1 Pedro 4:10

Is minsan hengkey he ketau he imbeg̵ey te Megbevayà diyà te kada sevaha keniyu, kinahanglan he g̵emita zin wey metevangi is menge zuma zin he tumutuu su wey hustu is kegemita niw te minsan hengkey he intavang keniyu te Megbevayà.