1 Kurintu 3:8 - Manobo Western Bukidnon

⁸ Ebpeked-iring is pulus te ebpemula wey is pulus te ebinyag ne edsuhulan heini is dezuwa te Megbevayà sumalà is mibeelan dan.

1 Kurintu 3:8 Кръстосани препратки

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Lucas 19:19

Ne midtavak haazà is hadì te, ‘Iyan ku sikew ibpezumala te lelima he inged.’

Ruma 2:6

Su ibeg̵ey zin diyà te langun is dait he ibeg̵ey te kada etew sumalà is mid-ulaula zan.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

1 Kurintu 3:14

Ne ke zuen etew he wazà maawà is kandin he vaal ne edsuhulan sikandin te Megbevayà.

1 Kurintu 3:7

Ne tenged kayi, haazà is ebpemula wey haazà is ebinyag, kenà iyan sikandan edelig̵en, kekenà, iyan edelig̵en is Megbevayà su ibpetuvù din haazà is impemula.

1 Kurintu 3:9

Siak wey si Epulu, ebpetevangè key su telezuma key he sulug̵uen te Megbevayà. Ne sikiyu, iring kew te kamet te Megbevayà he iyan edterebehuwen dey. Iring kew zaan te ebelayan te Megbevayà.

1 Kurintu 4:15

Su minsan pa te utew mezakel is menge etew he ed-ag̵ak keniyu te menge tumutuu ki Kristu, sebsevaha ku zà is iring te amey niw tenged te kedtuu niw. Su hein impesavut ku keniyu is Meupiya he Tudtulanen, nehimu a he amey niw zutun te kedtuu niw ki Jesu Kristu.

1 Kurintu 9:7

Penenglitan, is sundaru, egkehimu ve ke kenà sikandin ebeg̵ayan te egkeg̵astu zin? Kenà egkehimu. Kenà daan egkehimu he kenà ebpekekaan is teg̵ipinemula zutun te veg̵as te pinemula zin. Ne iring din ded daan is ed-elima te kerehidu su zuen din egkepupulus tenged dutun.

Gelasya 6:4

Deyzey ke ebpurungan edsusiya te uman sevaha is menge ulaula zin. Ne emun meupiya, egkehimu he ibmeupiya te g̵ehinawa zin. Iyan, kenè din isukud is menge ulaula te zuma zin te kandin he ulaula.

Gelasya 6:5

Su kinahanglan he bevaa te kada sevaha is kandin he keugelingen he bevaan.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

1 Pedro 5:4

Ne emun edlikù si Jesus, sikan is lavew he ed-elima te menge kerehidu te Megbevayà, duen idsuhul zin keniyu he iyan is kebpekeambit niw te utew zin kegkelavew he kenà egkehanew.

2 Juan 1:8

Andam kew wey kenà maawà diyan te keniyu is midheg̵uan niw su wey kenà meterini keuzemà is suhul te Megbevayà keniyu.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.

Impezayag 22:12

Pemineg kew,” ke si Jesus, “meg̵aan e en ebpekeuma ne zutun edsuhulan ku is kada sevaha sumalà is mid-ulaula zin.