1 Kurintu 3:16 - Manobo Western Bukidnon

¹⁶ Sikiyu is menge tumutuu te Megbevayà, utew a egkeinuinu keniyu su henduen be te wazè niw mesavut he iyan kew kes baley he ed-ubpaan te Megbevayà su ziyan te keniyu ed-ubpà is Wag̵as he Mulin-ulin he Megbevayà.

1 Kurintu 3:16 Кръстосани препратки

Juan 14:17

Iyan sikandin sikan is Wag̵as he Mulin-ulin he tutuu is ibpenurù din. Kenà heini egkezawat te menge etew zini te kelibutan he kuntada te Megbevayà su kenè dan egkekilala sikandin ne kenè dan egkesavut ke hentei sikandin. Sikiyu mulà, nesavut niw en ke hentei sikandin su ziyà ed-ubpà te keniyu ne kenà daan ed-awà diyà te keniyu.

Ruma 6:16

Su netuenan niw he ke ebpesakup ki te minsan hentei su wey ki zin meveyveyai, egkehimu ki en he iring te uripen din. Ne iring din ded daan is etew he ebpilien din he iring te egalen din is mezaat he kebayè din. Ne idsilut kandin is kemetayen he wazè din pidtemanan. Ne is etew mulà he ebpesakup te Megbevayà ne ed-isipen te Megbevayà he metazeng sikandin.

Ruma 6:3

Netuenan te en is neulaula zutun te kebewtismuwi kenita. Su nebewtismuwan ki he tuus te zuen en kebpekidsevaha ta ki Jesu Kristu ne pinaag̵i zutun ibpesavut daan kenita he zutun te kebpehimatey ni Jesus, henduen te iyan ki mibpatey.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

Ruma 8:9

Ne sikita mulà, kenè ki en ebeyveyaan te mezaat he suat te lawa ta su emun dini ed-ubpà te kenita is Wag̵as he Mulin-ulin ebeyveyaan ki te Wag̵as he Mulin-ulin. Ne ke zuen etew he wazà diyà te kandin is Wag̵as he Mulin-ulin he midsug̵ù ni Kristu, kenà sikandin sakup ni Kristu.

1 Kurintu 3:17

Ne ke zuen etew he edèdeetan din is ed-ubpaan te Megbevayà, edsilutan sikandin te Megbevayà su mahal ziyà te Megbevayà is menge etew he iyan ed-ubpaan din. Ne iyan kew ed-ubpaan din.

1 Kurintu 3:9

Siak wey si Epulu, ebpetevangè key su telezuma key he sulug̵uen te Megbevayà. Ne sikiyu, iring kew te kamet te Megbevayà he iyan edterebehuwen dey. Iring kew zaan te ebelayan te Megbevayà.

1 Kurintu 5:6

Maan is ebpegalbu kew? Netuenan niw is erubasa he edhenduen te, “Minsan ke zuen deisek dà he tapey ne egketepayan din is sengebisin en he erina he ebeelan he supas.”

1 Kurintu 6:16

Siguradu netuenan niw he is maama he edhulid te vahi he meremerik is ulaula zin, egkehimu is lawa zan te zezuwa he sevaha zà he lawa. Su zuen insurat he Lalag te Megbevayà mehitenged te maama wey vahi he ebpeked-esawa he edhenduen te, “Haazà is dezuwa, ne egkehimu en he sevaha zà he lawa.”

1 Kurintu 6:19

Siguradu netuenan niw he is lawa niw, ne iyan ed-ubpaan te Wag̵as he Mulin-ulin he imbeg̵ey keniyu te Megbevayà. Kenè ki en maan teg̵ig̵aked te lawa ta, kekenà,

1 Kurintu 6:9

Siguradu netuenan niw he haazà is menge etew he ed-ulaula te mezaat, kenà sikandan keuzemà egkehedian te Megbevayà! Ne tenged kayi, purungi niw heini isipa su wey kenè kew mesayep su is menge etew he meremerik is ulaula zan, is ed-azap te kenà tutuu he megbevayà, is etew he egkevut te kenè din esawa, is maama he egkeerig̵an te maama wey is bahi he egkeerig̵an te vahi,

1 Kurintu 9:13

Siguradu netuenan niw he haazà is menge etew he ebaal ziyà te simbahan he Valey te Megbevayà, ne zutun dan egkuwaa is egkeenen dan. Ne is menge memumuhat daan he ebpemuhat dutun, ne egkezawat dan daan is bahin dan dutun te impemuhat.

1 Kurintu 9:24

Netuenan niw he ke zuen lumbaan ne mezakel is ebpekibanggà, iyan, sevaha zà is ebpekezaag ne iyan edsuhulan. Ne sikiyu is tumutuu ki Jesus, iringi niw is edlumbà su wey kew mesuhuli keuzemà te Megbevayà.

2 Kurintu 6:16

Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”

1 Timoteo 3:15

Umba ebpesuratan ku sikew su kela ke mesanggen a. Ne emun egkesanggen a egketuenan nu g̵ihapun ke hengkey is hustu he ed-ul-ulahan he zait tew te menge anak te Megbevayà. Iyan kiw iglisya, he ke và dà egkeg̵iya, menge tumutuu te wazè din kemetayen he Megbevayà. Iyan kiw kes menge tukud wey vangel he zutun mekesavuk is tutuu he tuluuwen.

2 Timoteo 1:14

Pinaag̵i te kedtavang te Wag̵as he Mulin-ulin he zini ed-ubpà te kenita, bentayi nu he kenà mahalin haazà is tutuu he tuluuwen he insarig kenikew te Megbevayà.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.

1 Pedro 2:5

Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.

1 Juan 4:12

Wazè pa etew he nekeahà te Megbevayà, iyan, emun egig̵ineg̵awè kiw, ed-ubpà dini te kenitew is Megbevayà, ne egkeheg̵et is kebmahala ta te Megbevayà dini te g̵ehinawa ta.