1 Kurintu 3:15 - Manobo Western Bukidnon

¹⁵ Ne ke zuen etew he naawè en dutun is kandin he vaal, egkelibri sikandin gihapun te silut asal wazà suhul kandin. Iring sikandin te etew he nekeg̵awas te valey he nevinsulan he wazà uwiten din.

1 Kurintu 3:15 Кръстосани препратки

Nengeulaula 27:21

Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Nengeulaula 27:44

ne is kenà metau he ed-emparas, megeg̵entungan te menge tabla wey te nengerupet he pengawid te barku ne medsunud dan. Ne mid-ulaula zey haazà. Ne sikami is langun, nekeg̵aun he wazà nekeizan kenami.

1 Pedro 4:18

Su zuen insurat he Lalag te Megbevayà he edhenduen te, “Emun mereg̵en he edlibriyen te silut is menge metazeng he etew, iyan pe be melibri sikan is menge etew he edsukul te Megbevayà wey memezaat is ulaula!”

2 Juan 1:8

Andam kew wey kenà maawà diyan te keniyu is midheg̵uan niw su wey kenà meterini keuzemà is suhul te Megbevayà keniyu.

Hudas 1:23

Tevangi niw sikandan wey zan melibri te silut, iring te kedsekelawa niw ziyà te hapuy te egketutung. Is menge zuma he utew zekelà is salè dan, ipeehè niw zaan kandan is hizu niw, iyan, andam kew su kela ke mepenulayi kew zaan pinaag̵i te meremerik he ulaula zan.

Impezayag 3:18

Umba, edsembag̵an ku sikiyu he pemesaha niw zini te kediey is wag̵as he vulawan he migezaman diyà te hapuy, he ke và dà egkeg̵iya, hustu he kedtuu, ne tutuu en human he sepian kew. Ne pemasa kew zaan diyà te kediey te meputì he bisti wey maawà is kegkeeled niw tenged te kegkelevasi keniyu. Ne pemasa kew zaan te ibawì te kegkelakap niw su wey mehustu is ked-ehè niw.