1 Kurintu 2:9 - Manobo Western Bukidnon

⁹ Ne tenged kayi iyan ibpenurù dey is insurat dengan he Lalag te Megbevayà he edhenduen te, “Is utew meupiya wey egkein-inuwan he wazè pa maahà wey wazè pa mezineg te menusiyà wey wazè pa meisip te minsan hentei he etew, ne iyan heini mid-andam te Megbevayà he ibeg̵ey zin diyà te langun he menge etew he mahal sikandin diyà te g̵ehinawa zan.”

1 Kurintu 2:9 Кръстосани препратки

Mateo 20:23

Ne ke si Jesus te, “Benar iyan he ibpaantus keniyu is iring te ibpaantus kedì, iyan, kenà a iyan ebpilì ke hentei is ibpepinuu ziyà te zapit te egkekewanan ku wey ziyà te zapit te egkeg̵ivang ku, su iyan dà ebpekepinuu zutun sikan is etew he midteg̵enahan te Amey ku he Megbevayà.”

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Ruma 8:28

Sikitew is langun he mahal is Megbevayà diyà te g̵ehinawa zin, sikitew is midhimu zin he meketuu sumalà is tuyù diyà te isip din, netuenan tew he pinaag̵i te minsan hengkey he egkehitavù kenitew, edtuvazan kiw zin gihapun te meupiya.

Hibriyuhanen 11:16

Su ebpen-ahaan dan is inged he utew pa meupiya, kenà haazà is mid-ewaan dan su iyan ebperetengen dan is egkeubpaan dan he inged diyà te langit. Ne g̵eina te iyan haazà, ne mid-angken sikandan te Megbevayà ne netuenan ta he kenè din igkeeled is kegngezani zan kandin he Megbevayà dan su mid-andam din en is inged he egkeubpaan dan.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.

1 Juan 4:19

Umba utew en mahal sikandin dini te g̵ehinawa tew su nehuna kiw zin he mibmahal ziyà te kandin he g̵ehinawa.