1 Kurintu 2:7 - Manobo Western Bukidnon

⁷ Heini is ketau he egkeg̵iyen ku, ne iyan kes in-eles he edhimuwen te Megbevayà he wazà metueni zengan te menusiyà. Dengan dà te wazè pa limbag̵a is minsan hengkey, daan he mid-isip te Megbevayà heini is edhimuwen din su wey kiw tulusa.

1 Kurintu 2:7 Кръстосани препратки

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 13:35

Umba neveelan din heini su egketuman kes netagnà dengan te ebpeneuven te Megbevayà he edhenduen te, “Ibpenurù ku kandan is menge sempità. Ibpenudtul ku kandan is in-eles dengan puun pa te kedlimbag̵a te kelibutan taman en guntaan.”

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.

Ruma 8:30

Ne zutun, sikitew is langun he mibpilì din wey mehimu he menge anak din, impetuu kiw zin daan. Ne kenà duen dà taman, su mid-isip kiw zin daan he metazeng he iring te wazè kiw mekesalà. Ne impenaad din daan he zuen timpu keuzemà he edtulusen kiw zin.

1 Kurintu 2:1

Siak, menge suled, dutun te aney ku kebpekeuma ziyan, hein impesavut ku ziyan te keniyu is mehitenged te Megbevayà, ne wazè ku g̵emita is ketau te kegkag̵i wey is menge ketezengan he mibeelan te etew zà duen.

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Ipisu 3:10

Umba wazà heini zengan ipezayag su wey g̵untaan pinaag̵i zà te menge tumutuu ki Jesus, ibpaahà te Megbevayà diyà te menge kedesenan wey menge egalen diyà te langit ke hengkey kezekelà is ketau zin he wazè med-iring-iring.

2 Timoteo 1:9

Is Megbevayà, ne iyan midlibri kenita te silut ne midhimu ki zin he g̵aked din. Umba mid-ulaula zin heini, kenà tenged te meupiya is menge ulaula ta, kekenà, tenged dà te iyan tuyù din wey tenged te utew zekelà is gag̵ew zin kenita. Dengan te wazè pa limbag̵a is minsan hengkey mid-isip din he ibpeehè din is gag̵ew zin kenita pinaag̵i te kebeg̵aya zin kenita ki Jesu Kristu.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Hibriyuhanen 11:3

Netuenan ta he is minsan hengkey he egkeahà he midlimbag te Megbevayà, ne nehimu pinaag̵i zà te lalag din. Ne tenged kayi egketuenan ta he is minsan hengkey he egkeahà ne ziyà ebpuun te kenà egkeahà.

1 Pedro 1:11

Mid-istudyuwan dan ke keenu wey ke egkemenumenu is kegketuman kayi, su in-ulin heini kandan te Wag̵as he Mulin-ulin he ebpuun diyà te ki Kristu. Impesavut din kandan he zuen menge kemeresayan he egkeantus ni Kristu zini te kelibutan ne emun egketapus haazà edhimuwen sikandin he utew lavew.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

2 Pedro 1:3

Pinaag̵i te g̵ehem te Megbevayà edtevangan kiw zin te mezakel he paag̵i wey kiw meketuman te menge sug̵ù din kayi te ked-ubpè tew zini te kelibutan. Umba egkehimu heini su impekilala en kenitew si Jesu Kristu he iyan mibpetuu kenitew wey kiw mekeambit te ketazeng din wey te utew zin kegkelavew.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.