1 Kurintu 2:4 - Manobo Western Bukidnon

⁴ Ne hein midlelag̵an ku sikiyu wey impesavut ku keniyu is Lalag te Megbevayà, wazè ku iyan gemita is ketau te kegkag̵i wey is menge mekempet he lalag. Su is Wag̵as he Mulin-ulin, iyan mibpirma te egkeg̵iyen ku pinaag̵i te g̵ehem din

1 Kurintu 2:4 Кръстосани препратки

Nengeulaula 20:27

su in-amin ku keniyu ipenurù is minsan hengkey he egkesuatan te Megbevayà.

Nengeulaula 26:28

Ne zutun midtavak si Egripa te, “Kela ke kunaan nu ke egkeg̵aanggaan a kenikew egkehimu he tumutuu ki Kristu!”

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

1 Kurintu 1:17

Su si Kristu, wazè e zin sug̵ua wey a mekebewtismu, kekenà, iyan insug̵ua zin kedì su wey ku ikesangyew is Meupiya he Tudtulanen. Ne impesavut din kedì he kinahanglan he kenè ku egemiten is kelibutanen he ketau te kegkag̵i su kela ke egkevenaran is menge etew tenged te ketau ku ne egketembunan is gehem ni Kristu te kedlibriya kandan pinaag̵i te kebpatey zin duen te krus.

1 Kurintu 2:1

Siak, menge suled, dutun te aney ku kebpekeuma ziyan, hein impesavut ku ziyan te keniyu is mehitenged te Megbevayà, ne wazè ku g̵emita is ketau te kegkag̵i wey is menge ketezengan he mibeelan te etew zà duen.

1 Kurintu 2:13

Ne tenged kayi iyan ibpenurù dey is impesavut kenami te Wag̵as he Mulin-ulin, ne kenà iyan is impesavut kenami te memetau he etew zà duen. Is ebpuun diyà te Wag̵as he Mulin-ulin, ne iyan ibpesavut dey ziyà te menge etew he mid-ulinan daan te Wag̵as he Mulin-ulin.

1 Kurintu 4:20

Haazà is kedhedii kenitew te Megbevayà, ne kenà pinaag̵i te menge lalag dà, kekenà, pinaag̵i te zekelà he g̵ehem din.

2 Kurintu 6:6

Ne midlikayan dey is meremerik he ulaula. Hustu is kedsevuta zey te Lalag te Megbevayà; mepeseyluwen key ne metinevangen key te minsan hentei. Ed-ulinan key te Wag̵as he Mulin-ulin; ibpeehè dey is gag̵ew zey ziyà te langun;

Gelasya 1:10

Kunaan niw vuwa ke iyan netag̵ù te g̵ehinawa ku is: egkesuat a he zelig̵a a te menge etew. Iyan, kenà iyan heini netag̵ù te g̵ehinawa ku, kekenà, iyan is kebpenunuata ku te Megbevayà. Kunaan niw vuwa zaan ke egkesuatan ku he ibmeupiya te g̵ehinawa te menge etew is menge ulaula ku, iyan, kenà daan iyan egkesuatan ku su emun iyan egkesuatan ku, kenà egkehimu he sulug̵uen a ni Kristu.

Kulusas 2:4

Egkeg̵iyen ku heini su wey wazà mekekabig keniyu he minsan hentei pinaag̵i te menge ketezengan he henduen be te hustu, iyan, tarù.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.

2 Pedro 1:16

Sikan is impenurù dey keniyu mehitenged te egkeulaula keuzemà ke edlikù is Nengazen tew he si Jesu Kristu he utew zekelà is gehem din, ne kenà heini tetezemen dà he midhimu te etew zà duen. Netuenan dey su nemesahan dey en is mekeg̵eg̵ehem he anlag din.

2 Pedro 2:18

Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.