1 Kurintu 2:12 - Manobo Western Bukidnon

¹² Sikitew is menge tumutuu, imbeg̵ey kenitew te Megbevayà is Wag̵as he Mulin-ulin ne is ed-ulin kenitew, diyà ebpuun te Megbevayà ne kenà ebpuun diyà te etew zà duen. Umba imbeg̵ey is Wag̵as he Mulin-ulin kenitew su wey tew mesavut is langun he ibeg̵ey kenitew te Megbevayà.

1 Kurintu 2:12 Кръстосани препратки

Ruma 8:1

Ne sikita is nekidsevaha ki Jesu Kristu, kenè ki en egkehukuman te silut.

Ruma 8:32

Su minsan is Anak din he si Jesus, wazè din menug̵uni, kekenà, midsug̵ù din wey mekepehimatey he elili kenita. Ne emun iyan haazà gag̵ew zin kenita, kenà egkehimu he kenè din daan ibeg̵ey kenita is langun he impenaad din kenita.

1 Kurintu 1:27

Ne minsan pa zutun mibpilì kew te Megbevayà wey kew melibri. Su is menge etew he kunaan te kezekelan ke kenà memetau, iyan mibpilì te Megbevayà su wey mengeeled is uvag memetau. Ne haazà is menge etew he kunaan te kezekelan ke wazà utew egkehimu, mibpilì din daan su wey mengeeled is menge zuen dan uvag gehem.

1 Kurintu 2:6

Ne haazà is menge etew he mezesen is kedtuu zan te Megbevayà, duen ketau he ibpesavut ku kandan, asal, is ketau he ibpenurù ku kandan ne kenà daan ebpuun te etew zà duen wey ziyà te menge pengulu he iyan ebayàbayà dini te kelibutan su egkeewaan en heini te menge g̵ehem dan.

1 Kurintu 3:22

Sikami si Pablo wey si Epulus wey si Pedro zaan, iyan key nehimu te Megbevayà he menge sulug̵uen niw su wey kew mezeyzey. Ne minsan is tivuuk he kelibutan wey is egkeulaula keuzemà, wey is egkeulaula g̵untaan wey minsan is untung niw wey kebpatey niw, imbeg̵ey zaan heini is langun te Megbevayà wey kew mezeyzey.

2 Kurintu 4:4

Kenè dan edtuu su mid-elangan is isip dan ni Setanas he iyan ed-ezapen te menge etew kayi te kelibutan. Tenged kayi kenà egketeyawan is isip dan te Meupiya he Tudtulanen mehitenged te utew kegkelavew ni Kristu. Pinaag̵i ki Kristu egkesayud ki ke hentei is Megbevayà su iyan sikandin dagwey te Megbevayà.

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

Santiago 4:5

Kenè niw isipa he kenà tutuu sikan is insurat he Lalag te Megbevayà he edhenduen te, “Is gehinawa he imbeg̵ey kenita te Megbevayà, nehimu he mezesen is kegkesuati zin te mezaat he ulaula,

1 Juan 2:20

Sikiyu mulà, mibpeulinan kew ni Kristu te Wag̵as he Mulin-ulin ne tenged dutun nesavut niw te langun is tutuu he tuluuwen.

1 Juan 2:27

Iyan, sikiyu, wazà kinahanglan he zuen selakew pa he ebpenurù keniyu su mibpeulinan kew en ni Kristu te Wag̵as he Mulin-ulin. Pinaag̵i zutun egkesavut niw is langun he ibpesavut keniyu ni Kristu. Tutuu mulà ne kenà tarù haazà is ibpesavut din keniyu umba kinahanglan he hemeni niw is kebpekidsevaha niw kandin sumalà is impenurù en keniyu.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 22:6

Ne migkeg̵iyan a zutun te velinsug̵uen, ke sikandin te, “Heini is menge lalag he nezineg nu, utew venar ne tutuu he egkengetuman. Is Megbevayè tew he Nengazen te langun, imbeg̵ey zin is Wag̵as he Mulin-ulin diyà te ebpemeneuven din ne midsug̵ù din is belinsug̵uen din wey zan ikepaahà diyà te menge sulug̵uen din ke hengkey is meg̵aan en he egkeulaula.”