1 Kurintu 2:1 - Manobo Western Bukidnon

¹ Siak, menge suled, dutun te aney ku kebpekeuma ziyan, hein impesavut ku ziyan te keniyu is mehitenged te Megbevayà, ne wazè ku g̵emita is ketau te kegkag̵i wey is menge ketezengan he mibeelan te etew zà duen.

1 Kurintu 2:1 Кръстосани препратки

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

Nengeulaula 22:18

Neehè ku is Nengazen he si Jesus ne ke sikandin te, ‘Gaanggaan ka genat ne awè ka kayi te Hiruselim su is menge etew kayi, kenè dan edewaten is ibpesavut nu kandan mehitenged kediey.’

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

Ruma 16:25

Edelig̵en tew is Megbevayà! Pinaag̵i te Meupiya he Tudtulanen he ibpenudtul ku he iyan is mehitenged ki Jesu Kristu, wey pinaag̵i te tuluuwen he neug̵et he timpu is ked-elesa zuen te Megbevayà, egkehimu he edheg̵eten din is kedtuu niw.

1 Kurintu 1:17

Su si Kristu, wazè e zin sug̵ua wey a mekebewtismu, kekenà, iyan insug̵ua zin kedì su wey ku ikesangyew is Meupiya he Tudtulanen. Ne impesavut din kedì he kinahanglan he kenè ku egemiten is kelibutanen he ketau te kegkag̵i su kela ke egkevenaran is menge etew tenged te ketau ku ne egketembunan is gehem ni Kristu te kedlibriya kandan pinaag̵i te kebpatey zin duen te krus.

1 Kurintu 1:6

Ne utew en midmezesen is kedtuu niw te impesavut dey keniyu mehitenged ki Kristu.

1 Kurintu 2:13

Ne tenged kayi iyan ibpenurù dey is impesavut kenami te Wag̵as he Mulin-ulin, ne kenà iyan is impesavut kenami te memetau he etew zà duen. Is ebpuun diyà te Wag̵as he Mulin-ulin, ne iyan ibpesavut dey ziyà te menge etew he mid-ulinan daan te Wag̵as he Mulin-ulin.

1 Kurintu 2:4

Ne hein midlelag̵an ku sikiyu wey impesavut ku keniyu is Lalag te Megbevayà, wazè ku iyan gemita is ketau te kegkag̵i wey is menge mekempet he lalag. Su is Wag̵as he Mulin-ulin, iyan mibpirma te egkeg̵iyen ku pinaag̵i te g̵ehem din

1 Kurintu 2:7

Heini is ketau he egkeg̵iyen ku, ne iyan kes in-eles he edhimuwen te Megbevayà he wazà metueni zengan te menusiyà. Dengan dà te wazè pa limbag̵a is minsan hengkey, daan he mid-isip te Megbevayà heini is edhimuwen din su wey kiw tulusa.

2 Kurintu 10:10

iyan, duen egkag̵i he siak si Pablo, utew a mevurut he edawey keniyu emun ebpekidlalag a keniyu pinaag̵i te surat, iyan, emun diyan a te keniyu, telawen e kun ne kenè e kun metau he egkag̵i.

2 Kurintu 11:6

su minsan ke kenà a metau he egkag̵i netuenan ku mulà ke hengkey is tutuu he tuluuwen. Ne iyan heini impesavut dey keniyu zengan te minsan keenu he timpu wey te minsan hengkey he paag̵i.

2 Tiselunika 1:10

Egkehitavù heini keuzemà dutun te andew te kedlikù din. Iyan idlikù din dini te kelibutan su wey mezalig sikandin te menge etew he mibpesakup kandin. Dutun, ne ebentug̵en sikandin te langun he menge tumutuu kandin wey sikiyu zaan su neketuu kew te impesavut dey keniyu.

1 Timoteo 1:11

Ne heini is hustu he tuluuwen, ne ebpuun te Meupiya he Tudtulanen mehitenged te utew zekelà he g̵ehem te Megbevayà. Is Megbevayà he iyan dait he edelig̵en, insarig din kedì heini is tudtulanen wey ku mesangyew.

2 Timoteo 1:8

Ne tenged dutun kenè nu ikeeled is kebpenurù nu mehitenged te Nengazen tew ne kenà a zaan kenikew ikeeled is gaked din wey nepirisu tenged te kedsengyawa kandin, kekenà, pinaag̵i te g̵ehem te Megbevayà he idtavang kenikew, ambit ka zaan kayi te ked-entusa ku te kemeresayan tenged te kedsengyawa te Meupiya he Tudtulanen.

1 Juan 4:14

Sikami is menge epustul, netuenan dey he impehendini te Megbevayà is Anak din su wey melibri is menusiyà te silut. Umba netuenan dey su neehè dey sikandin ne edtudtulen dey is neehè dey.

Impezayag 1:2

Ne siak, id-amin ku idsurat is langun he neehè ku. Is migkag̵i te Megbevayà wey is tutuu he tuluuwen he impesavut kediey ni Jesu Kristu, idsurat ku kayi.

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.